About (Cym)

Lawrlwytho'r Adroddiad Blynyddol ar Gydraddoldeb 2023-24 (PDF)

Cyflwyniad

Cyngor y Gweithlu Addysg (CGA) yw’r rheoleiddiwr proffesiynol, annibynnol ar gyfer y gweithlu addysg yng Nghymru.

Fe’n sefydlwyd gan Ddeddf Addysg (Cymru) 2014, ac rydym yn rheoleiddio ymarferwyr addysg mewn 11 o wahanol gategorïau cofrestru sy’n rhychwantu ysgolion, addysg bellach, gwaith ieuenctid, a dysgu seiliedig ar waith. Ein Cofrestr Ymarferwyr Addysg yw’r gofrestr gyhoeddus fwyaf o unrhyw broffesiwn yng Nghymru, a’r gofrestr fwyaf pellgyrhaeddol o weithwyr addysg proffesiynol yn y byd, gyda dros 90,000 o ymarferwyr wedi’u cofrestru.

Mae ein hymrwymiad i gydraddoldeb ac amrywiaeth yn hanfodol i CGA a’r ffordd rydym yn gweithio. Mae ein Cynllun Cydraddoldeb Strategol (CCS) yn amlinellu sut fyddwn yn bodloni’r ymrwymiad yma, yn ogystal â’n rhwymedigaethau cyfreithiol, yn unol â Deddf Cydraddoldeb 2010, a dyletswydd cydraddoldeb y sector cyhoeddus sy’n benodol i Gymru (dyletswydd cydraddoldeb).Ym mis Ebrill 2020, yn dilyn ymgynghoriad â rhanddeiliaid, gwnaethom gyhoeddi ein CCS ar gyfer y cyfnod 2020-24. Eglurodd y cynllun ein hymrwymiad, fel sefydliad, i gyflawni cyfres o amcanion cydraddoldeb penodol a dangosodd ein hymroddiad i ymladd yn erbyn gwahaniaethu a hyrwyddo amrywiaeth. Roedd cyfres o gynlluniau gweithredu ac adroddiadau monitro blynyddol yn cyd-fynd â’r CCS.

Yn ystod cyfnod y cynllun, rydym wedi cynnal adolygiadau blynyddol a gwneud mân ddiwygiadau yn unig.

Mae’r adroddiad blynyddol hwn ar gydraddoldeb yn amlinellu’r cynnydd rydym wedi’i wneud tuag at gyflawni ein pedwar amcan cydraddoldeb yn ystod 2023-24.

Ein prosesau a’n gweithdrefnau cydraddoldeb

Mae cydymffurfio â’n dyletswyddau cydraddoldeb yn eitem sefydlog ar agenda cyfarfodydd misol yr uwch dîm rheoli, gan ddarparu fforwm ffurfiol i drafod diweddariadau neu faterion sy’n codi.

Ym mis Ebrill 2023, roedd ein prosesau a’n gweithdrefnau cydraddoldeb yn destun archwiliad Cydymffurfio Rheoleiddiol, a roddodd sicrwydd sylweddol a dim argymhellion.

Asesiadau o’r effaith ar gydraddoldeb

I sicrhau bod cydraddoldeb ar flaen ein gwaith, ac i fodloni ein rhwymedigaethau cyfreithiol, mae’n rhaid i bob polisi a gweithdrefn berthnasol gael asesiad o’r effaith ar gydraddoldeb. Maent yn cael eu storio mewn llyfrgell ac yn rhan o’r broses datblygu a chymeradwyo ar gyfer unrhyw bolisi newydd (neu ddiwygiedig). Mae hyn yn ein helpu i sicrhau bod penderfyniadau wedi’u seilio ar dystiolaeth ac yn rhoi sylw penodol i gydraddoldeb. Yn ystod y cyfnod adrodd, rydym wedi dechrau adolygiad i ddatblygu’r broses o gwblhau asesiadau o’r effaith ar gydraddoldeb ymhellach. Byddwn yn parhau i weithio ar hyn yn ystod 2024-25, gyda’r nod o sicrhau bod ein prosesau’n effeithlon ac yn effeithiol.

Mae’r uwch dîm rheoli’n craffu ar grynodeb o asesiadau o’r effaith ar gydraddoldeb yn ei gyfarfodydd misol.

Caffael

A ninnau’n gorff cyhoeddus, mae’n gyfrifoldeb arnom i sicrhau bod cydraddoldeb yn ganolog i’n prosesau caffael. Mae ein Polisi Caffael yn cynnwys adran benodol am gydraddoldeb i sicrhau bod yr holl gontractwyr ac is-gontractwyr sy’n darparu gwasanaeth i ni yn ymwybodol o’u rhwymedigaethau i’n helpu i gyflawni ein hymrwymiad i ddileu gwahaniaethu anghyfreithlon ar sail unrhyw un o’r nodweddion gwarchodedig. Mae hefyd yn egluro’r gofyniad arnynt i hyrwyddo cyfle cyfartal a chysylltiadau da rhwng pob aelod o gymdeithas. Mae adran ar gydraddoldeb wedi’i chynnwys yn ein datganiad caffael hefyd sy’n cael ei gyhoeddi ar ein gwefan.

Ymgysylltu

Drwy gydol y flwyddyn adrodd, rydym wedi cyfarfod â rhwydweithiau a rhanddeiliaid allweddol, lle rydym wedi trafod materion cydraddoldeb sy’n briodol i’n cylch gwaith. Rydym wedi tynnu sylw ein cofrestreion a rhanddeiliaid eraill at wybodaeth berthnasol am gydraddoldeb drwy gydol y flwyddyn (trafodir hyn yn fanylach isod).

Rydym hefyd wedi cymryd rhan mewn nifer o rwydweithiau, grwpiau, a phartneriaethau cydraddoldeb, i gael mewnwelediad a gwersi gwerthfawr, gan gynnwys profiadau bywyd go-iawn sy’n hysbysu ein gwaith, mae’r rhain wedi cynnwys: Rhwydwaith Dyletswydd Cydraddoldeb y Sector Cyhoeddus
Rhwydwaith Cydraddoldeb De-ddwyrain Cymru (SEWEN)
Rhwydwaith BAMEed Cymru
Grŵp Llywio Addysg Bellach Cymru Wrth-hiliol
Dysgu Proffesiynol Amrywiaeth a Gwrth-hiliol (DARPL)
Rhwydwaith Cyfnewidfa Cydraddoldeb Hawliau Dynol Cymru
Grŵp Cydraddoldeb ac Amrywiaeth Colegau Cymru

Cyflawni ein hamcanion

Amcan 1: Monitro ein harferion cyflogaeth i amlygu rhwystrau rhag recriwtio a dilyniant gyrfaol

Sut byddwn yn cyflawni’r amcan hwn?

Byddwn yn monitro ein harferion cyflogaeth. Bydd hyn yn cynnwys archwilio cydnabyddiaeth ariannol staff ac edrych ar brosesau recriwtio a dilyniant gyrfaol staff, aelodau’r Cyngor ac aelodau pwyllgorau/paneli¹, gyda’r nod o amlygu a mynd i’r afael ag unrhyw rwystrau sy’n bodoli rhag datblygu gweithlu a strwythur llywodraethu amrywiol.

Byddwn yn:

adolygu a, lle y bo’r angen, gwella prosesau recriwtio ar gyfer staff, aelodau’r Cyngor ac aelodau pwyllgorau/paneli^[1], i helpu i gyflawni gweithlu amrywiol, gan sicrhau tegwch i’r holl grwpiau sydd heb gynrychiolaeth ddigonol
dadansoddi cydnabyddiaeth ariannol yr holl staff, er mwyn deall a oes bwlch cyflog yn bodoli, gan gymryd camau i gywiro unrhyw faterion sy’n dod i’r amlwg
amlygu rhwystrau i staff, aelodau’r Cyngor ac aelodau pwyllgorau/paneli¹ o ran mynediad at gyfleoedd datblygiad a hyfforddiant a chymryd camau i ddileu’r rhain

Cynnydd yn ystod 2023-24

Cesglir data ar gydraddoldeb staff yn flynyddol trwy arolwg ac fe’i defnyddir i lywio asesiadau effaith, datblygu polisïau, a chynlluniau hyfforddi. Yn ein harolwg diweddaraf, o’r 56 o aelodau staff a oedd mewn swydd ar y pryd, cafwyd 50 o ymatebion (cyfradd ymateb 89%). Gellir gweld ein proffil staff yn atodiad A.

Mae gennym raddfeydd cyflog tryloyw, ac mae cyflogeion yn derbyn cynyddrannau blynyddol nes byddant yn cyrraedd uchafswm y gyfradd ar gyfer eu band cyflog. Rydym yn dilyn graddfeydd cyflog Llywodraeth Cymru ar hyn o bryd. Pan fydd Llywodraeth Cymru yn cytuno ar gynnydd mewn cyflog, rydym yn adolygu hyn, ac os caiff ei dderbyn gennym ni fel y cyflogwr, rydym yn ei fabwysiadu’n ffurfiol. Rydym yn adolygu ein gwybodaeth am gyflogau yn ôl rhywedd yn flynyddol. Mae gwybodaeth ar gyfer 2023-24 ar gael yn atodiad A.

Fel sefydliad, rydym yn defnyddio’r broses adolygu perfformiad a datblygiad i amlygu anghenion hyfforddiant a datblygiad unigol, adolygu cynnydd, a thrafod unrhyw rwystrau rhag mynediad. Mae pob cyflogai’n cael cyfle cyfartal o ran hyfforddiant, pan ystyrir ei fod yn berthnasol i’r rôl. Rydym hefyd yn dadansoddi’r hyfforddiant a gwblhawyd bob blwyddyn at ddibenion monitro cydraddoldeb. Gan fod yr holl ddata cydraddoldeb cyflogeion yn ddienw, nid oes data penodol ar gael ynglŷn â nodweddion gwarchodedig cyflogeion a ddilynodd hyfforddiant unigol. Mae rhagor o fanylion am yr hyfforddiant a ddarparwyd yn 2023-24 ar gael o dan amcan dau.

Rydym yn adolygu ein prosesau recriwtio yn barhaus i amlygu unrhyw rwystrau posibl a mynd i’r afael â nhw. Hysbysebir pob swydd yn allanol i gyrraedd ystod eang o ymgeiswyr a chynhwysir datganiad cadarnhaol i annog ceisiadau gan ystod eang ac amrywiol o unigolion. Mae ein hanimeiddiad byr, hygyrch sy’n crynhoi CGA fel sefydliad, yn amlinellu gwerthoedd ein staff, ein diwylliant sefydliadol cadarnhaol, a’n prosesau recriwtio cynhwysol.

Rydym yn casglu gwybodaeth am amrywiaeth gan yr holl ymgeiswyr uniongyrchol, ond mae ein proses ymgeisio yn sicrhau bod yr holl gyfeiriadau at enwau, manylion cyswllt, neu arwyddion eraill posibl o nodweddion gwarchodedig yn ddienw cyn y broses sifftio. Yn ystod y flwyddyn adrodd hon, gwnaethom hysbysebu 16 o swyddi a chawsom 80 o ffurflenni monitro amrywiaeth. Gellir gweld rhagor o fanylion am broffil yr ymgeiswyr yn atodiad A.

Rydym hefyd yn casglu gwybodaeth am gydraddoldeb yn ymwneud ag aelodau o’n Cyngor, o ran y naw nodwedd warchodedig. Penodir aelodau’r Cyngor gan Lywodraeth Cymru trwy’r system penodiadau cyhoeddus. Er nad oes gennym unrhyw awdurdod dros y broses hon, gall y wybodaeth a gasglwn helpu i’w llywio. Yn dilyn proses recriwtio Llywodraeth Cymru yn 2023, penodwyd chwe aelod newydd ac ailbenodwyd chwe aelod. Gyda’i gilydd, gwnaethant ffurfio’r Cyngor newydd a ddechreuodd ei gyfnod ar 1 Ebrill 2023. Mae gweithgarwch recriwtio ychwanegol wedi parhau wrth i Lywodraeth Cymru geisio dod o hyd i unigolion addas i lenwi’r ddwy swydd wag sy’n weddill, gyda’r bwriad o ddefnyddio’r penodiadau hyn i wella amrywiaeth ethnig y Cyngor. Rydym wedi cynorthwyo Llywodraeth Cymru â’r gweithgarwch recriwtio hwn unwaith eto trwy gyfeirio ein cofrestreion, rhanddeiliaid, a rhwydweithiau at y swyddi gwag.

Pan fydd gennym yr awdurdod i benodi aelodau paneli^[2], ceisiwn ddenu ystod eang o ymgeiswyr sy’n cynrychioli’r gweithlu addysg amrywiol yng Nghymru. Eleni, rydym wedi dechrau casglu gwybodaeth am gydraddoldeb gan aelodau ein paneli priodoldeb i ymarfer ac aelodau ein bwrdd Achredu Addysg Gychwynnol Athrawon (AAGA). Byddwn yn parhau i wneud hyn yn flynyddol i lywio ymarferion recriwtio yn y dyfodol ymhellach.

Yn ystod 2024-25, byddwn hefyd yn dechrau casglu gwybodaeth am gydraddoldeb yn ffurfiol gan ein cronfa o aseswyr y Marc Ansawdd ar gyfer Gwaith Ieuenctid yng Nghymru.

Mae ein prosesau i fonitro ein harferion cyflogaeth i amlygu unrhyw rwystrau rhag recriwtio a dilyniant gyrfaol yn cael eu hadrodd i’n Cyngor.

^[1] Yn cynnwys aelodau o’r pwyllgor Priodoldeb i Ymarfer (PiY), y bwrdd achredu Addysg Gychwynnol Athrawon (AGA), ac aseswyr y Marc Ansawdd Gwaith Ieuenctid (MAGI).

[2] Yn cynnwys aelodau o’r pwyllgor PiY, y bwrdd achredu AGA, ac aseswyr MAGI.

Amcan 2: Datblygu diwylliant cynhwysol o fewn gweithlu CGA

Sut byddwn yn cyflawni’r amcan hwn?

Byddwn yn gweithio i sicrhau bod ein sefydliad yn gynhwysol, yn groesawgar ac yn ystyriol tuag at yr holl gyflogeion, aelodau’r Cyngor ac aelodau pwyllgorau/paneli¹, er mwyn iddynt allu bod yn nhw eu hunain a pherfformio hyd eithaf eu gallu.

Byddwn yn:

cynorthwyo staff sydd â chyfrifoldebau gofalu
hybu mwy o ymwybyddiaeth o gydraddoldeb ymhlith ein cyflogeion
sicrhau bod ein polisïau ar fwlio ac aflonyddu yn aros yn gyfredol
gweithio i fynd i’r afael â gwahaniaethu a stigma iechyd meddwl, yn unol â pholisïau iechyd meddwl a lles CGA, a’n hymrwymiad i’r Adduned Amser i Newid

Cynnydd yn ystod 2023-24

Ym mis Chwefror 2023, gwnaethom gyflwyno polisi gweithio hybrid ffurfiol sy’n caniatáu i staff gyfuno gweithio yn y swyddfa â gweithio gartref. Cafodd ei adolygu ym mis Chwefror 2024 ac ni wnaed unrhyw newidiadau o ran yr hyblygrwydd y mae’n ei gynnig. Rydym hefyd yn cynnig system oriau hyblyg i’r holl gyflogeion.

Ym mis Ebrill 2023, lansiwyd ein hail raglen les flynyddol a gynigiodd ystod eang o weithgareddau a chyfleoedd i gynorthwyo staff. Rydym yn ymgynghori â staff, yn gofyn am adborth ar y rhaglen bresennol, ac yn ceisio awgrymiadau ar gyfer gweithgareddau yn y dyfodol yn rheolaidd trwy ein fforwm cyflogeion.

Ym mis Medi 2023, lansiwyd ein cylchlythyr cydraddoldeb, amrywiaeth, a chynhwysiant mewnol cyntaf a gyhoeddir i’r staff bob tri mis. Mae’r cylchlythyr yn offeryn allweddol i’n helpu i ymgorffori ein hymrwymiad i gydraddoldeb ac amrywiaeth ar draws y sefydliad. Mae’n cynnig gwybodaeth a chymorth i staff ynglŷn â phynciau cydraddoldeb, ac yn annog ymgysylltu â diwrnodau ac ymgyrchoedd ymwybyddiaeth.

Mae pawb yn CGA yn gallu cael at y llinell gymorth i gyflogeion, sef Care First, bob awr o’r dydd a’r nos. Mae’n cynnig cyngor cyfrinachol ar ystod o faterion. Rydym wedi rhannu gwybodaeth gyda’r staff am y gweminarau lles am ddim sydd ar gael iddynt trwy Care First.

Yn ogystal, rhoddir hyfforddiant rheolaidd i’r holl staff ynglŷn â’r ddyletswydd cydraddoldeb ac mae ein cynllun hyfforddiant blynyddol yn cynnwys o leiaf un sesiwn orfodol i bob aelod o staff ar faterion cydraddoldeb. Eleni, cwblhaodd staff fodiwl hyfforddiant ar-lein ar ymwybyddiaeth o gydraddoldeb, amrywiaeth, a chynhwysiant, yn ogystal â mynychu gweithdy niwrowahaniaeth a arweiniwyd gan Elusen yr Ymennydd. Pan benodir aelod newydd o staff, mae’r broses sefydlu’n cynnwys trosolwg o’r ddyletswydd cydraddoldeb.

Mae gennym dri aelod o staff sydd wedi’u hyfforddi’n swyddogion cymorth cyntaf iechyd meddwl ar hyn o bryd a bydd dau arall yn dilyn yr hyfforddiant yn 2024-25.

Rydym yn cynnwys mewnbynnau cydraddoldeb mewn hyfforddiant blynyddol ar gyfer aelodau’r Cyngor ac aelodau pwyllgorau/paneli^[3], gan annog trafod gwahaniaethu a phrofiadau bywyd go-iawn yn agored er mwyn hybu cyfle cyfartal a meithrin perthynas dda rhwng pobl sy’n rhannu nodwedd warchodedig a phobl nad ydynt yn ei rhannu.

^[3] Yn cynnwys aelodau o’r pwyllgor PiY, y bwrdd achredu AGA, ac aseswyr MAGI.

Amcan 3: Sicrhau bod ein gwasanaethau’n bodloni anghenion cofrestreion a rhanddeiliaid amrywiol (gan gynnwys y rhai hynny â nodweddion gwarchodedig) a chynorthwyo ein cofrestreion i weithredu ymarfer proffesiynol teg a chynhwysol

Sut byddwn yn cyflawni’r amcan hwn?

Mae rheidrwydd arnom, fel rheoleiddiwr annibynnol y gweithlu addysg yng Nghymru, i sicrhau ein bod yn adnabod unrhyw rwystrau y gallai ein cofrestreion a’n rhanddeiliaid eraill eu hwynebu wrth ryngweithio â ni. Mae hyn yn cynnwys dysgwyr a rhieni/gwarcheidwaid. Mae hefyd angen i ni gynorthwyo ein cofrestreion i weithredu ymarfer proffesiynol teg a chynhwysol.

Byddwn yn:

ymgynghori ac ymgysylltu â chofrestreion a rhanddeiliaid ynglŷn â ph’un a yw ein gwasanaethau’n bodloni eu hanghenion amrywiol
amlygu unrhyw rwystrau sy’n wynebu cofrestreion a rhanddeiliaid wrth ryngweithio â CGA a chymryd camau i’w dileu, fel y bo’n briodol ac yn gymesur
adolygu a chyhoeddi data priodoldeb i ymarfer i fonitro priodoldeb canllawiau a llywio anghenion hyfforddiant
- hybu ymwybyddiaeth o faterion cydraddoldeb ac amrywiaeth o fewn y gweithlu addysg, i wella ymarfer proffesiynol

Cynnydd yn ystod 2023-24

Rydym wedi ymrwymo i wneud ein gwybodaeth a’n cyfathrebu dwyieithog mor hygyrch â phosibl.

Yn dilyn adolygiad llawn, rydym wedi ailddylunio ein gwefan yn llwyr, gan ymgorffori nifer o welliannau ym meysydd fel hygyrchedd, taith y defnyddiwr, brandio, a gosodiad. Lansiwyd y wefan newydd ym mis Mai 2023 ac yna ceisiwyd adborth gan ddefnyddwyr gwasanaeth i lywio gwelliannau ychwanegol. Rydym yn sicrhau bod y wybodaeth a ddarperir wedi’i lleoli’n rhesymegol ac yn gyson, ac yn syml i ddod o hyd iddi trwy gyfleuster chwilio.

Mae ein gwefan yn cydymffurfio â safon lefel AA Canllawiau Hygyrchedd Cynnwys y We 2.1 ar hyn o bryd. Archwiliwyd hygyrchedd ein gwefan gan Wasanaeth Digidol y Llywodraeth ym mis Rhagfyr 2023. Amlygwyd rhai mân faterion, ond cawsant eu datrys yn gyflym. Rydym yn cynnig cyfle i ddefnyddwyr ein gwefan gael mynediad at y Bar Offer ReachDeck, sef meddalwedd hygyrchedd y we sy’n cynorthwyo pobl ag amhariadau gweledol ac anableddau cudd, yn ogystal â’r rhai hynny nad oes ganddynt sgiliau digidol sylfaenol a phobl sy’n dymuno darllen y wefan mewn iaith heblaw am Gymraeg neu Saesneg.

Mae capsiynau’n cael eu darparu ar gyfer yr holl gynnwys fideo (gyda sain) sy’n cael ei ychwanegu at ein gwefan yn Gymraeg a Saesneg. Mae unrhyw gynnwys sain yn unig (fel podlediadau) yn cael ei lanlwytho gyda thrawsgrifiad cysylltiedig yn Gymraeg a Saesneg. Er bod ein cyhoeddiadau ar gael mewn fformat electronig fel arfer, rydym yn cynnig fformatau eraill ar gais. Mae nifer gynyddol o’n cyhoeddiadau’n cael eu cyhoeddi mewn fformat HTML erbyn hyn hefyd, yn ogystal â fformatau eraill hygyrch. Rydym yn parhau i adolygu ein cyhoeddiadau i sicrhau eu bod yn hygyrch ac yn gynhwysol i’n cofrestreion a’r cyhoedd.

Rydym wedi cynnal nifer o ddigwyddiadau ar-lein drwy gydol y flwyddyn. Hwyluswyd cofrestru ar gyfer y digwyddiadau hyn trwy Ticket Source. Mae’r platfform hwn yn caniatáu i fynychwyr nodi unrhyw addasiadau rhesymol a allai fod yn ofynnol ar gyfer digwyddiad. Rydym wedi gwneud addasiadau ar gyfer pedwar mynychwr yn ystod y flwyddyn, gan gynnwys rhoi cyngor i fynychwr ar sut i gael at y cyfleuster isdeitlo byw ar blatfform y digwyddiad a darparu sleidiau cyflwyniad i un arall cyn y digwyddiad.

Rydym wedi darparu gwasanaeth dehongli Iaith Arwyddion Prydain ar gyfer gweithwyr proffesiynol neu gofrestreion byddar a thrwm eu clyw sydd wedi bod yn ymwneud â chyfarfodydd priodoldeb i ymarfer rhithwir.

Os yw defnyddwyr gwasanaeth eisiau cael copïau papur o unrhyw rai o’n dogfennau, rydym yn eu darparu ar gais trwy’r post.

Drwy gydol y flwyddyn adrodd, rydym wedi trafod materion cydraddoldeb sy’n briodol i’n cylch gwaith wrth gyfarfod â rhanddeiliaid allweddol a grwpiau buddiant. Mae’r rhain wedi cynnwys cynrychiolwyr o Rwydwaith BAMEed Cymru, DARPL, a Chylch Trefol Casnewydd a arweiniodd at nifer o brosiectau ar y cyd, gan gynnwys:

ffurfio partneriaeth â DARPL i helpu i drefnu a hyrwyddo’r gynhadledd amrywiaeth ac arweinyddiaeth wrth-hiliol genedlaethol gyntaf yng Nghymru, a gynhaliwyd ym mis Mehefin 2023
recordio pennod o’n cyfres newydd o bodlediadau, ‘Sgwrsio gyda CGA’, yn canolbwyntio ar amrywiaethu gweithlu addysg Cymru

Rydym hefyd wedi mynychu cyfarfodydd Rhwydwaith Cydraddoldeb De-ddwyrain Cymru (SEWEN), Rhwydwaith PSED, a Grŵp Llywio Addysg Bellach Cymru Wrth-hiliol, yn ogystal â nifer o ddigwyddiadau a gweminarau yn canolbwyntio ar faterion cydraddoldeb. Roedd hyn yn cynnwys cynhadledd flynyddol y Black Leadership Group, a gynhaliwyd yn y Senedd ym mis Mawrth 2024.

Rydym yn parhau i gasglu data am gydraddoldeb gan gofrestreion sy’n destun achosion priodoldeb i ymarfer, trwy ein system rheoli achosion. Ym mis Awst 2023, gwnaethom gyhoeddi ein hadroddiad blynyddol priodoldeb i ymarfer, a oedd yn cynnwys data am gydraddoldeb ar gyfer yr holl grwpiau cofrestreion.

I gynorthwyo ein cofrestreion, a chynyddu ymwybyddiaeth o faterion iechyd meddwl, rydym wedi gwneud sawl argymhelliad trwy Meddwl Mawr (ein clwb llyfrau a chyfnodolion) ar gyfer adnoddau ar bynciau gan gynnwys ymwybyddiaeth ofalgar, cynorthwyo dysgwyr â dyslecsia, cynllunio gwersi, ac addysg deg.

Ym mis Mehefin 2023, gwnaethom gyhoeddi canfyddiadau’r Arolwg o’r Gweithlu Addysg Bellach a Dysgu Seiliedig ar Waith 2023, a gynhaliwyd ar ran y grŵp llywio llwyth gwaith cenedlaethol (sy’n cynnwys cynrychiolwyr o Lywodraeth Cymru, Cyd-undebau Llafur Cymru, a Cholegau Cymru). Gofynnodd yr arolwg gwestiynau am ganfyddiadau ymarferwyr o’u rôl a’u gyrfa, patrymau gwaith a llwyth gwaith, lles, a dysgu proffesiynol.

Amcan 4: Hybu datblygiad gweithlu addysg amrywiol yng Nghymru

Sut byddwn yn cyflawni’r amcan hwn?

Mae ein cyfrifoldebau rheoleiddiol yn cynnwys hyrwyddo gyrfaoedd yn y proffesiynau addysg a chynghori Llywodraeth Cymru ar faterion sy’n gysylltiedig â’r gweithlu addysg ac addysgu a dysgu. Byddwn yn defnyddio ein dylanwad yn y maes hwn i helpu i hybu datblygiad gweithlu addysg mwy amrywiol.

Byddwn yn:

defnyddio ein data i fonitro ac amlygu materion sy’n ymwneud â chydraddoldeb ac amrywiaeth ar draws ein holl grwpiau cofrestreion
hybu amrywiaeth o fewn y gweithlu addysg yn rhan o ymgyrch ehangach i hybu gyrfaoedd o fewn y gweithlu

Cynnydd yn ystod 2023-24

Mae’r Gofrestr Ymarferwyr Addysg yn cynnig sylfaen dystiolaeth o ansawdd uchel ynglŷn â materion cydraddoldeb ac amrywiaeth. Rydym wedi cymryd nifer o gamau drwy gydol y flwyddyn i sicrhau ansawdd a chyflawnder y data a ddelir yn ein Cofrestr. Ym mis Medi 2023, gwnaethom gyhoeddi Ystadegau blynyddol y gweithlu addysg ar gyfer Cymru 2023. Roedd hyn yn cynnwys data cydraddoldeb am ymarferwyr ar draws pob un o’n 11 o grwpiau cofrestreion. Rydym hefyd wedi cyhoeddi datganiadau ystadegol eraill drwy gydol y flwyddyn sydd wedi cynnwys data cydraddoldeb, canlyniadau myfyrwyr AGA, a data am athrawon newydd gymhwyso.

Ym mis Awst 2023, gwnaethom lofnodi addewid Dim Hiliaeth Cymru Race Council Cymru, sy’n dangos ein hymrwymiad i hyrwyddo tegwch a chytgord hiliol trwy weithredu’r egwyddorion y mae’n eu hamlinellu.

Ym mis Tachwedd 2023, ar y cyd â Llywodraeth Cymru, fe wnaethom ddyrannu niferoedd derbyn AGA i bartneriaethau AGA ar gyfer rhaglenni sy’n dechrau ym mis Medi 2024. Yn rhan o hyn, fe wnaethom ddarparu gofynion penodol i bartneriaethau ar gyfer recriwtio athrawon cyfrwng Cymraeg ac athrawon o gymunedau du, Asiaidd ac ethnig leiafrifol (5% o’r cyfanswm sy’n cael eu recriwtio). Rydym yn monitro recriwtio i raglenni ac yn adrodd ar hyn i Lywodraeth Cymru.

Mae’r cynnwys ar gyfer Addysgwyr Cymru (y brand a’r wefan sy’n helpu i hyrwyddo gyrfaoedd yn y proffesiynau addysg yng Nghymru) wedi cael ei adolygu a’i ddatblygu ymhellach er mwyn sicrhau bod y tudalennau’n dangos gweithlu amrywiol.

Mae ein tîm eiriolaeth a chymorth wedi datblygu cynlluniau recriwtio ac ymgysylltu sy’n cynnwys gweithgarwch recriwtio targedig ar gyfer pobl o gymunedau du, Asiaidd ac ethnig leiafrifol. Mae gennym Swyddog Recriwtio a Chymorth penodol i arwain y broses o weithredu’r cynlluniau targedig hyn (gwnaethom annog ceisiadau gan ymgeiswyr du, Asiaidd ac ethnig leiafrifol ar gyfer y rôl hon). Mae gwaith yn y maes hwn wedi cynnwys ymgysylltu’n barhaus â grwpiau amrywiol ledled Cymru, gan gynnwys Cymdeithas Affricanaidd Gogledd Cymru, Cymdeithas Ddiwylliannol Islamaidd Cymru, Tasglu Cydraddoldeb Hiliol Cyngor Caerdydd, Gwasanaeth Iechyd Meddwl BAME, Canolfan Datblygu Cymunedol De Glan yr Afon, Cyngor Gwasanaeth Gwirfoddol Abertawe, ac ysgolion uwchradd â chyfran uchel o fyfyrwyr sy’n ystyried eu bod yn ddu, Asiaidd ac ethnig leiafrifol.

Atodiad A – gwybodaeth am gyflogaeth

Nifer y bobl a gyflogir yn ôl nodwedd warchodedig

Rydym yn casglu data am gydraddoldeb staff trwy ein harolwg staff blynyddol. Wrth ofyn am y wybodaeth, rydym yn rhoi gwybod i staff fod llenwi’r ffurflen yn wirfoddol, ond bydd gwneud hynny’n ein rhoi mewn sefyllfa well i ddeall cyfansoddiad ein gweithlu ac archwilio ein harferion yn llawn. Bydd hyn yn rhoi cyfle i ni dargedu ein gweithgareddau a’n blaenoriaethau lle y canfyddir unrhyw dangynrychiolaeth neu anghydraddoldeb. Defnyddir y data i lywio asesiadau o’r effaith, datblygu polisïau, a chynlluniau hyfforddi. Cynhaliwyd ein harolwg diweddaraf ym mis Mawrth 2024. O’r 56 o aelodau staff a oedd yn eu swydd ar y pryd, cafwyd 50 o ymatebion (cyfradd ymateb 89%). Oherwydd maint ein sefydliad, mae ffigurau sy’n cynrychioli 10% neu lai o’r ymatebion wedi cael eu cuddio (a gynrychiolir gan *) i atal unigolion rhag cael eu hadnabod.

Oedran

16-24	*
25-34	19
35-44	10
45-54	11
55-64	7
65 a hŷn	*
Ddim eisiau dweud	*

Rhywedd/Rhyw

Gwrywaidd	14
Benywaidd	36
Anneuaidd	*
Rhyngryw	*
Ddim eisiau dweud	*

Ydych chi’n draws?

Ydw	*
Nac ydw	49
Ddim eisiau dweud	*
Ddim wedi ymateb	*

Cyfeiriadedd rhywiol

Deurywiol	*
Hoyw/lesbiaidd	*
Heterorywiol	43
Ddim eisiau dweud	*

Statws perthynas

Priod neu mewn partneriaeth sifil	19
Wedi ysgaru	*
Sengl	13
Byw gyda phartner mewn perthynas hirdymor	13
Partner	*
Wedi gwahanu	*
Gweddw	*
Ddim eisiau dweud	*

Crefydd neu gred

Dim crefydd	27
Anffyddiwr	*
Cristion	19
Bwdhydd	*
Hindŵ	*
Dyneiddiwr	*
Iddew	*
Mwslim	*
Pagan	*
Sikh	*
Ddim eisiau dweud	*

Ethnigrwydd

Gwyn – Cymro/Cymraes/Sais/Saesnes/Albanwr/Albanes/Gwyddel/Gwyddeles o Ogledd Iwerddon/Prydeinig	45
Gwyddel/Gwyddeles	*
Cymysg – Gwyn a Du Caribïaidd	*
Cymysg – Gwyn ac Asiaidd	*
Asiaidd/Asiaidd Prydeinig – Indiaidd	*
Asiaidd/Asiaidd Prydeinig – Bangladeshaidd	*
Arall	*
Dim ymateb	*

Hunaniaeth genedlaethol

Cymro/Cymraes	41
Sais/Saesnes	*
Albanwr/Albanes	*
Gwyddel/Gwyddeles	*
Prydeinig	7
Arall	*
Dim ymateb	*

Cyfrifoldebau gofalu

Dim	26
Prif ofalwr plentyn/plant (o dan 18 oed)	17
Prif ofalwr plentyn/plant anabl	*
Prif ofalwr oedolyn anabl (18 oed a hŷn)	*
Prif ofalwr person/pobl hŷn (65 oed a hŷn)	*
Gofalwr eilaidd	*
Ddim eisiau dweud	*

Anabledd – A ydych chi’n ystyried bod gennych anabledd?

Ydw, cyfyngir llawer ar fy ngweithgareddau dydd i ddydd	*
Ydw, cyfyngir ychydig ar fy ngweithgareddau dydd i ddydd	*
Nac ydw	47
Ddim yn siŵr	*
Ddim eisiau dweud	*

Anabledd – Ticiwch yr amhariadau neu’r cyflyrau iechyd hynny sy’n berthnasol i chi

Amhariad neu anabledd dysgu (er enghraifft dyslecsia, syndrom Down, awtistiaeth, ac ati)	*
Cyflwr iechyd hirdymor (er enghraifft epilepsi, diabetes neu ganser)	*
Iechyd meddwl gwael (er enghraifft iselder, gorbryder, neu sgitsoffrenia)	*
Amhariad symudedd	*
Ddim eisiau dweud	*

Anabledd – A oes gennych anabledd, fel y’i diffinnir gan Ddeddf Cydraddoldeb 2010? ^[4]

Oes	*
Nac oes	47
Ddim eisiau dweud	*

Data recriwtio

Lle y bo’n bosibl, rydym yn casglu a dadansoddi gwybodaeth am gydraddoldeb yn ymwneud â recriwtio staff. Mewn rhai achosion, pan dderbynnir nifer gyfyngedig o geisiadau ac mae angen defnyddio asiantaeth recriwtio, nid yw gwybodaeth am gydraddoldeb yn cael ei darparu bob amser. Yn ogystal, pan fydd aelodau staff mewnol yn ymgeisio am swyddi, nid oes rhaid iddynt lenwi ffurflen monitro amrywiaeth.

Yn ystod y cyfnod adrodd, hysbysebwyd 16 o swyddi ar gyfer recriwtio’n allanol. Rhoddwyd cyfle i’r holl ymgeiswyr uniongyrchol lenwi ffurflen monitro amrywiaeth ar yr adeg ymgeisio. Cawsom 90 o geisiadau uniongyrchol, ac roedd 80 o’r rhain wedi llenwi ffurflenni monitro amrywiaeth. Nid yw categorïau na ymatebwyd iddynt wedi cael eu cynnwys yn y data a adroddir isod.

Nifer y ceisiadau a gafwyd yn ôl nodwedd warchodedig (lle y llenwyd ffurflen monitro amrywiaeth)

Rhywedd/Rhyw

Gwrywaidd	18
Benywaidd	61
Anneuaidd	1

Ydych chi’n draws?

Nac ydw	78
Ddim yn siŵr	1
Ddim wedi ymateb	1

Oedran

16-24	10
25-34	23
35-44	21
45-54	19
55-64	7

Cyfeiriadedd rhywiol

Deurywiol	1
Hoyw/lesbiaidd	4
Heterorywiol	72
Ddim eisiau dweud	2
Ddim wedi ymateb	1

Statws perthynas

Priod	30
Wedi ysgaru	5
Sengl	13
Byw gyda phartner mewn perthynas hirdymor	26
Partner	3
Ddim eisiau dweud	3

Crefydd neu gred

Dim crefydd neu gred	41
Anffyddiwr	3
Cristion (pob enwad)	28
Hindŵ	1
Mwslim	1
Ddim eisiau dweud	6

Grŵp ethnig ^[5]

Gwyn – Cymro/Cymraes	49
Gwyn – Sais/Saesnes	5
Gwyn - Prydeinig	13
Cefndir gwyn arall	6
Grŵp ethnig cymysg/lluosog – gwyn ac Asiaidd	2
Grŵp ethnig cymysg/lluosog arall	2
Asiaidd/Asiaidd Prydeinig – Indiaidd	2
Asiaidd/Asiaidd Prydeinig – Pacistanaidd	1
Asiaidd/Asiaidd Prydeinig - Tsieineaidd	1
Du/Affricanaidd/Caribïaidd/Du Prydeinig – Caribïaidd	1
Cefndir Du/Affricanaidd/Caribïaidd/Du Prydeinig Arall	1

Hunaniaeth genedlaethol ^[6]

Cymro/Cymraes	53
Sais/Saesnes	6
Prydeinig	17
Arall	7
Ddim wedi ymateb	3

A oes gennych unrhyw gyfrifoldebau gofalu? ^[7]

Dim	58
Prif ofalwr plentyn/plant (o dan 18 oed)	19
Prif ofalwr plentyn/plant anabl	1
Gofalwr eilaidd	2
Ddim eisiau dweud	1
Ddim wedi ymateb	1

Anabledd – A ydych chi’n ystyried bod gennych anabledd?

Ydw, cyfyngir llawer ar fy ngweithgareddau dydd i ddydd	2
Ydw, cyfyngir ychydig ar fy ngweithgareddau dydd i ddydd	2
Nac ydw	73
Ddim eisiau dweud	1
Ddim wedi ymateb	2

Anabledd – A oes gennych anabledd, fel y’i diffinnir gan Ddeddf Cydraddoldeb 2010?

Oes	7
Nac oes	73

Gweithdrefnau Cwynion Cyflogaeth

Nid oedd unrhyw gyflogeion yn ymwneud â gweithdrefnau cwynion cyflogaeth naill ai fel achwynydd, neu unigolyn y gwnaed cwyn yn ei erbyn, yn ystod 2023-24.

Gweithdrefnau Disgyblu

Nid oedd unrhyw gyflogeion yn destun gweithdrefnau disgyblu yn ystod 2023-24.

Ymadawyr

Gan fod yr holl ddata cydraddoldeb am gyflogeion yn ddienw, nid oes unrhyw ddata penodol ar gael ynglŷn â nodweddion gwarchodedig cyflogeion a adawodd y sefydliad.

Gwybodaeth ychwanegol am gyflog yn ôl rhywedd ar 31 Mawrth 2024

Cyflog	Gradd	Gwrywaidd	Benywaidd	Cyfanswm
£23,258 - £26,901	Cymorth tîm	0	2	2
£28,245 - £32,141	Swyddog Gweithredol	8	19	27
£34,083 - £41,675	Swyddog Gweithredol Uwch (HEO)	6	8	14
£43,785 - £51,839	Uwch-swyddog Gweithredol (SEO)	2	6	8
£56,112 - £67,095	Gradd 7	0	1	1
£70,455 - £80,840	Gradd 6	1	2	3
£90,696 - £106,056	Prif Weithredwr	1	0	1
Cyfanswm		18	38	56

Math o gontract	Gwrywaidd	Benywaidd	Cyfanswm
Parhaol	17	38	55
Cyfnod penodol	1	0	1
Dros dro	0	0	0
Cyfanswm	18	38	56

Patrwm gweithio	Gwrywaidd	Benywaidd	Cyfanswm
Amser llawn	16	34	50
Rhan-amser	2	4	6
Cyfanswm	18	38	56

Sylwer: Mae’r dadansoddiad yn cynnwys swyddogion ar gyfnod absenoldeb mamolaeth

^[4] Rydych chi’n anabl o dan Ddeddf Cydraddoldeb 2010 os oes gennych amhariad corfforol neu feddyliol sy’n cael effaith negyddol ‘sylweddol’ a ‘hirdymor’ ar eich gallu i wneud gweithgareddau pob dydd arferol.

^[5] Roedd rhai ymgeiswyr wedi nodi eu bod yn perthyn i fwy nag un grŵp ethnig.

^[6] Roedd rhai ymgeiswyr wedi nodi bod ganddynt fwy nag un hunaniaeth genedlaethol.

^[7] Roedd rhai ymgeiswyr wedi dewis mwy nag un opsiwn ar gyfer eu cyfrifoldebau gofalu.

Lawrlwytho'r Adroddiad Blynyddol Priodoldeb i Ymarfer ar gyfer y flwyddyn a ddaeth i ben ar 31 Mawrth 2024 (PDF)

1. Ynghylch CGA

Amdanom ni

Cyngor y Gweithlu Addysg (CGA) yw’r rheoleiddiwr proffesiynol, annibynnol ar gyfer y gweithlu addysg yng Nghymru.

Fe’i sefydlwyd gan Ddeddf Addysg (Cymru) 2014, ac mae’n ofyniad cyfreithiol i ymarferwyr ar draws un ar ddeg o wahanol grwpiau yn y gweithlu addysg, o’r cyfnod sylfaen i addysg bellach, gwaith ieuenctid, a dysgu seiliedig ar waith, gofrestru gyda CGA. Ein Cofrestr Ymarferwyr Addysg yng Nghymru yw’r gofrestr gyhoeddus fwyaf o unrhyw broffesiwn yng Nghymru, a’r gofrestr fwyaf pellgyrhaeddol o weithwyr addysg proffesiynol yn y byd, gyda dros 90,000 o ymarferwyr wedi’u cofrestru

Ein nodau

Cyfrannu at wella safonau addysgu ac ansawdd dysgu yng Nghymru.
Cynnal a gwella safonau ymddygiad proffesiynol ymhlith athrawon ac eraill sy’n cefnogi addysgu a dysgu yng Nghymru.
Diogelu buddiannau dysgwyr, rhieni/gwarcheidwaid, a’r cyhoedd, a chynnal hyder a ffydd y cyhoedd yn y gweithlu addysg.

Ein swyddogaethau

Sefydlu a chynnal Cofrestr Ymarferwyr Addysg.
Cynnal Cod Ymddygiad ac Ymarfer Proffesiynol.
Ymchwilio i honiadau a allai godi amheuon ynghylch priodoldeb ymarferydd cofrestredig i ymarfer, a’u clywed.
Achredu a monitro rhaglenni AGA athrawon ysgol.
Rhoi cyngor i Lywodraeth Cymru ac eraill.
Monitro’r broses sefydlu a chlywed apeliadau sefydlu.
Hyrwyddo gyrfaoedd yn y gweithlu addysg.
Ymgymryd â gwaith penodol ar gais Llywodraeth Cymru.

2. Y gofrestr ymarferwyr addysg

Ar 31 Mawrth 2024, roedd 90,812 o ymarferwyr addysg unigol wedi’u cofrestru gyda CGA. Fodd bynnag, mae rhai cofrestreion wedi’u cofrestru mewn mwy nag un categori. Mae’r tabl isod yn dangos y nifer a oedd yn gymwys i weithio ym mhob categori ar 31 Mawrth 2024.

Lawrlwythwch ffeil CSV siart

3. Y Cod Ymddygiad ac Ymarfer Proffesiynol

Mae pob cofrestrai newydd yn cael copi o’r Cod wrth gofrestru (17,605 o geisiadau newydd yn 2023-24), mae pob cyflogwr yn cael copïau â’r Cod bob blwyddyn i’w dosbarthu i’w cyflogeion cofrestredig ac, yn ogystal, edrychwyd ar y Cod dros 5,500 o weithiau yn y flwyddyn.

Mae ein cofrestreion yn ymrwymo i gynnal pum egwyddor allweddol Cyfrifoldeb Personol a Phroffesiynol, Unplygrwydd Proffesiynol, Cydweithio, Gwybodaeth a Dealltwriaeth Broffesiynol, a Dysgu Proffesiynol. .

Bwriedir i’r Cod lywio barn a phenderfyniadau cofrestreion. Hefyd, mae’n rhoi gwybod i ddysgwyr, rhieni, gwarcheidwaid, cyflogwyr a’r cyhoedd am y safonau y gallant eu disgwyl gan gofrestrai.

Gallai methiant i gydymffurfio â’r Cod fwrw amheuaeth ynghylch cofrestriad ymarferydd

Rydym yn cyflwyno sesiynau hyfforddi a chyflwyniadau rheolaidd sy’n canolbwyntio ar y Cod, defnyddio’r cyfryngau cymdeithasol, a moeseg a chyfrifoldebau proffesiynol. Rydym yn cynnig cyfres o 11 o ganllawiau arfer da, a luniwyd i ategu’r Cod a helpu i arwain barn a phenderfyniadau proffesiynol cofrestreion o ddydd i ddydd. Rydym hefyd wedi cynhyrchu fideo sy’n sôn am y Cod yn ogystal â phynciau eraill yn ymwneud â phriodoldeb i ymarfer.

4. Ynghylch Priodoldeb i Ymarfer

Mae gennym ddyletswydd statudol i ymchwilio i achosion yn erbyn cofrestreion, a chlywed yr achosion hynny, lle honnir ymddygiad proffesiynol annerbyniol, anghymhwysedd proffesiynol difrifol a/neu os yw’r cofrestrai wedi’i gael yn euog (ar unrhyw adeg) o drosedd berthnasol.

Mae ein Gweithdrefnau a Rheolau Disgyblu 2023 yn amlinellu’r gweithdrefnau a ddilynwn wrth ymgymryd â’n gwaith yn y maes hwn gan gynnwys ein pwerau i osod Gorchmynion Atal Dros Dro Interim mewn amgylchiadau penodol.

Ar 31 Mawrth 2024, roedd gennym 60 o aelodau panel annibynnol sy’n ymgymryd â’r holl waith priodoldeb i ymarfer. Mae’r gronfa hon o aelodau panel yn cynnwys ymarferwyr cofrestredig ar draws y grwpiau cofrestreion, aelodau lleyg ac ymarferwyr sydd wedi ymddeol. Nid yw’r un aelod o’r Cyngor yn ymwneud ag achosion priodoldeb i ymarfer, ac nid ydynt yn aelodau o’r paneli.

5. Atgyfeirio achosion

Mae CGA yn derbyn atgyfeiriadau mewn un o’r ffyrdd canlynol:

Atgyfeiriadau gan yr Heddlu

Gall heddluoedd wneud atgyfeiriadau’n uniongyrchol i CGA yn unol â Datgeliad yr Heddlu o dan Gyfraith Gyffredin (CLPD).

Cyflogwyr/Asiantau

Mae dyletswydd statudol ar gyflogwyr ac asiantaethau cyflenwi preifat i atgyfeirio cofrestrai i CGA:

os caiff cofrestrai ei ddiswyddo neu os yw’n gadael cyflogaeth cyn diswyddiad posibl (e.e. ymddiswyddo neu gytundeb setlo) (Cyflogwyr)
os yw asiantaeth yn rhoi’r gorau i ddefnyddio gwasanaethau cofrestrai neu os gallai fod wedi gwneud hynny pe na byddai’r cofrestrai wedi rhoi’r gorau i weithio iddi eisoesy

Yn y ddau achos, dyma’r seiliau ar gyfer atgyfeirio:

camymddygiad
anghymhwysedd proffesiynol
euogfarn o drosedd berthnasol

Cwynion

Gall unrhyw unigolyn neu sefydliad wneud cwyn am ymddygiad neu anghymhwysedd honedig cofrestrai.

Mae CGA yn derbyn atgyfeiriadau’n uniongyrchol gan y Gwasanaeth Datgelu a Gwahardd.

CGA

Gall CGA hunanatgyfeirio cofrestreion os daw’n ymwybodol o wybodaeth am gofrestrai ac mae o’r farn bod gwneud hynny er budd y cyhoedd.

6. Beth sy’n digwydd pan dderbynnir achos?

Mae’r rhan fwyaf o atgyfeiriadau sy’n dod i law yn cael eu hystyried yn gyntaf gan Bwyllgor Ymchwilio a chynhelir y cyfarfodydd yn breifat.

Mae’r Pwyllgor Ymchwilio yn cynnwys isafswm o dri aelod panel a chaiff ei gefnogi gan ymgynghorydd cyfreithiol annibynnol nad yw’n cymryd rhan yn y broses benderfynu, ond sy’n sicrhau bod yr ymchwiliad yn deg.

Rôl y Pwyllgor yw penderfynu a yw’n debygol ai peidio y bydd ffeithiau’r achos yn cael eu profi, ac yna a allai’r canfyddiadau hynny fod yn gyfystyr ag ymddygiad proffesiynol annerbyniol, anghymhwysedd proffesiynol difrifol a/neu euogfarn o drosedd berthnasol, os bydd yr achos yn symud ymlaen i wrandawiad cyhoeddus.

Cynhelir gwrandawiad cyhoeddus pan fydd Pwyllgor Ymchwilio wedi penderfynu bod gan gofrestrai ‘achos i’w ateb’. Caiff y cofrestrai ei wahodd i fynychu a/neu gael ei gynrychioli yn y gwrandawiad.

Mae Pwyllgor Priodoldeb i Ymarfer yn cynnwys isafswm o dri aelod panel a chaiff y Pwyllgor ei gefnogi gan ymgynghorydd cyfreithiol annibynnol. Ni fydd gan y Pwyllgor sy’n eistedd mewn gwrandawiad unrhyw wybodaeth flaenorol am yr achos ger ei fron.

Mae canlyniadau posibl gwrandawiadau fel a ganlyn:

Ni phrofwyd y ffeithiau
Profwyd y ffeithiau ond nid ymddygiad proffesiynol annerbyniol/anghymhwysedd proffesiynol difrifol a/neu drosedd berthnasol
Profwyd y ffeithiau – dim gorchymyn
Cerydd – caiff ei gofnodi am ddwy flynedd ar y Gofrestr
Gorchymyn Cofrestru Amodol – caiff ei gofnodi ar y Gofrestr am gyfnod a bennir gan y Pwyllgor. Os na phennir cyfnod, bydd y Gorchymyn hwn yn berthnasol yn barhaol
Gorchymyn Atal Dros Dro – dileu’r unigolyn o’r Gofrestr am y cyfnod a bennir gan y Pwyllgor (heb fod yn fwy na dwy flynedd). Gellir cymhwyso amodau i Orchymyn Atal Dros Dro
Gorchymyn Gwahardd – dileu’r unigolyn o’r Gofrestr. Ni ellir gwneud cais am aildderbyn i’r Gofrestr hyd nes bod o leiaf dwy flynedd wedi mynd heibio

Wedi gwrando ar achos, os bydd Pwyllgor Priodoldeb i Ymarfer yn gosod gorchymyn disgyblu (heblaw am orchymyn atal dros dro interim) ar gofrestriad ymarferydd addysg, bydd rhybudd i’r perwyl hwnnw’n ymddangos ar wefan CGA. Bydd y rhybudd yn parhau am gyfnod o chwe mis o’r diwrnod y caiff ei gyhoeddi.

Caiff unrhyw orchymyn disgyblu a osodir ei gofnodi ar gofnod yr ymarferydd ar Gofrestr CGA a bydd ar gael yn gyhoeddus am gyfnod y gorchymyn.

7. Crynodeb o waith achos Priodoldeb i Ymarfer

Eleni, gwnaethom derfynu 74 o achosion priodoldeb i ymarfer (ac eithrio Gorchmynion Atal Dros Dro Interim). Roedd hyn yn cynnwys 52 o wrandawiadau priodoldeb i ymarfer, yr oedd 49 ohonynt yn wrandawiadau rhithwir a thri wyneb yn wyneb.

Nodiadau ar y data

Cynhelir mwyafrif y gwrandawiadau’n rhithwir. Fodd bynnag, yn unol ag ymagwedd llawer o reoleiddwyr eraill, gwahoddir cofrestreion i gadarnhau p’un a ydynt yn dymuno i’w hachos gael ei glywed yn rhithwir neu ‘wyneb yn wyneb’. Er mwyn i wrandawiad ‘wyneb yn wyneb’ gael ei gadarnhau, mae’n rhaid i’r cofrestrai ymrwymo i fynychu’r gwrandawiad neu gael ei gynrychioli’n ‘bersonol’ ynddo.

7.1 Nifer yr achosion Priodoldeb i Ymarfer a derfynwyd yn ôl grŵp cofrestreion a blwyddyn

Grŵp Cofrestreion	19-20	20-21	21-22	22-23	23-24
Athrawon ysgol (ST)	27	24	25	21	22
Athrawon addysg bellach (FET)	17	6	11	9	6
Gweithwyr cymorth dysgu addysg bellach (FELSW)	7	2	3	0	6
Gweithwyr cymorth dysgu ysgolion (SLSW)	21	19	21	21	26
Ymarferwyr dysgu seiliedig ar waith (WBL)	10	5	9	5	10
Athrawon ysgolion annibynnol	0	0	0	0	0
Gweithwyr cymorth dysgu ysgolion annibynnol	0	0	0	0	0
Athrawon sefydliadau ôl-16 arbennig annibynnol	0	0	0	0	0
Gweithwyr cymorth dysgu sefydliadau ôl-16 arbennig annibynnol	0	0	0	0	0
Gweithwyr cymorth ieuenctid (YSW)	1	1	1	0	0
Gweithwyr ieuenctid (YW)	0	0	0	0	0
Sawl categori cofrestru	10	9	16	15	4
Cyfanswm	93	66	86	71	74

O’r 74 o achosion y cyfeirir atynt uchod:

ystyriwyd 52 o achosion mewn gwrandawiadau addasrwydd i ymarfer (heb gynnwys gwrandawiadau Gorchymyn Atal Dros Dro Interim), gan gynnwys un cais a oedd yn ymwneud ag aildderbyn i’r Gofrestr yn dilyn Gorchymyn Gwahardd. Gwrthodwyd y cais hwn.
ystyriwyd bod 14 o achosion yn rhai ‘dim achos i’w ateb’ (gan gynnwys 2 achos a ollyngwyd) gan Bwyllgor Ymchwilio.
Roedd tri achos yn ymwneud â chofrestreion a waharddwyd gan y Gwasanaeth Datgelu a Gwahardd (DBS) cyn i CGA wneud penderfyniad terfynol.

Nodyn ychwanegol: ychwanegwyd pedwar categori cofrestru newydd at y Gofrestr ar 22 Mai 2023. Hyd at ddiwedd 31 Mawrth 2024, nid oedd unrhyw achosion wedi cael eu terfynu ar gyfer unrhyw un o’r grwpiau newydd hyn.

7.2 Referral source

	19-20	20-21	21-22	22-23	23-24
Cyflogwr	74.2%	75.8%	73.3%	85.9%	71.3%
Yr Heddlu	10.8%	9.1%	10.5%	7.0%	13.8%
Atgyfeiriad gan CGA	8.6%	7.6%	3.5%	0.0%	8.8%
Hunanatgyfeiriad	2.2%	0.0%	11.6%	2.8%	6.3%
Eraill	4.3%	7.5%	1.2%	4.2%	0.0%

*Mae ‘Eraill’ yn cynnwys cwynion neu atgyfeiriadau gan y DBS a rheoleiddwyr eraill.

7.3 Canlyniadau achosion Priodoldeb i Ymarfer yn ôl blwyddyn

	19-20	20-21	21-22	22-23	23-24
Terfynwyd heb osod gorchymyn	38 (41%)	28 (42%)	27 (31%)	25 (35%)	28 (38%)
Cerydd	18	9	20	19	18
Gorchymyn Cofrestru Amodol	6	1	1	0	4
Gorchymyn atal dros dro (dim amodau)	5	5	4	2	2
Gorchymyn atal dros dro (gydag amodau)	3	4	2	2	1
Gorchymyn gwahardd	22	15	23	17	17
Cais i amrywio/torri amodau	1	1	0	1	0
Cais i fod yn gymwys yn dilyn Gorchymyn Gwahardd	0	0	3	0	1
Gwaharddwyd gan y DBS cyn i CGA derfynu’r achos	0	3	6	5	3
Caewyd yr achos – bu farw’r cofrestrai	0	0	0	0	0
Cyfanswm	93	66	86	71	74

Sylwer – o’r 28 o achosion a derfynwyd heb orchymyn:

Cafodd wyth eu terfynu ar y cam gwrandawiad.
ystyriwyd bod 12 yn rhai ‘dim achos i’w ateb’ gan Bwyllgor Ymchwilio.
atgyfeiriwyd dau yn ôl i Bwyllgor Ymchwilio ac fe’u gollyngwyd.
roedd chwech yn ymwneud â mân euogfarnau ac fe’u caewyd gan nodi ‘dim camau pellach’.

7.4 Mathau o ymddygiad – achosion a derfynwyd yn 2023-24

Math o ymddygiad	Nifer yr Achosion
Euogfarn(au) yn unig	17
Honiadau, datganiadau ffug a/neu ddogfennau wedi’u ffugio	10
Methiant i fodloni safonau ymarferwyr	9
Euogfarnau ac ymddygiad	8
Cyfuniad o faterion camymddygiad	7
Ymddygiad amhroffesiynol/amhriodol tuag at ddysgwyr	6
Lefel amhriodol o gosb/grym/ataliaeth/cyswllt corfforol	4
Camarfer mewn arholiadau/asesiadau	2
Cysylltiad amhriodol â dysgwyr drwy’r cyfryngau cymdeithasol	2
Perthynas amhriodol â dysgwyr	2
Torri ymddiriedaeth	2
Methiant i gydymffurfio â gweithdrefnau	1
Iaith sarhaus	1
Bwlio/aflonyddu dysgwyr	1
Bod o dan ddylanwad alcohol yn y gwaith	1
Cyfanswm	73

Sylwer: Yn 2023-24, terfynwyd un achos hefyd nad yw wedi’i gynnwys yn y tabl hwn, sef cais ar gyfer aildderbyn i’r Gofrestr yn dilyn Gorchymyn Gwahardd. Gwrthodwyd y cais hwn.

7.5 Amser cwblhau ar gyfer achosion a derfynwyd yn 2023-24

Mae nifer o ffactorau sy’n effeithio ar yr amserlenni ar gyfer terfynu achosion, gan gynnwys:

achosion gerbron tribiwnlys cyflogaeth (bydd CGA yn gohirio ystyried yr achos hyd nes bod y tribiwnlys yn dod i ben)
mae iechyd y cofrestrai’n wael ac mae tystiolaeth feddygol yn cadarnhau nad yw’n ddigon iach i gymryd rhan, ond mae’n dymuno gwneud hynny
materion a godir gan y cofrestrai neu ei gynrychiolydd wrth baratoi ei achos
canfyddir pryderon pellach wrth baratoi ar gyfer y gwrandawiad y mae angen eu cyfeirio’n ôl at Bwyllgor Ymchwilio yn y lle cyntaf

Mae CGA yn monitro ei amserlenni ei hun ar gyfer terfynu achosion o gymharu â Rheoleiddwyr/Cyrff Proffesiynol eraill ac mae’n parhau i arwain yn y maes hwn.

	Nifer yr achosion	%
Terfynwyd yr achos o fewn 8 mis (35 wythnos)	61	82%

Achos heb ei derfynu o fewn 8 mis (35 wythnos)
Codwyd materion gan y cofrestrai/cyflogwr	4	6%
Oedi arall gan drydydd parti e.e. yr Heddlu	3	4%
Codwyd pryderon ychwanegol yn ystod y cam ymchwilio, gorfod cyfeirio’n ôl at y Pwyllgor Ymchwilio	3	4%
Codwyd materion gan CGA	3	4%
Cyfanswm nifer yr achosion a derfynwyd yn 2023-24	74	100%

O’r 61 o achosion a derfynwyd o fewn wyth mis, yr amser cyfartalog a gymerwyd o dderbyn i derfynu oedd 24 wythnos (pum mis a hanner).

7.6 Demograffeg yr achosion disgyblu a derfynwyd yn 2023-24

Sylwer – Daw’r gweithlu cofrestredig o’r Gofrestr Ymarferwyr Addysg ar 31 Mawrth 2024

Rhyw

Lawrlwythwch ffeil CSV siart

Oed

Lawrlwythwch ffeil CSV siart

Hunaniaeth genedlaethol

Lawrlwythwch ffeil CSV siart

Grŵp ethnig

Lawrlwythwch ffeil CSV siart

Y Gymraeg

Pan fydd ymarferwyr yn gwneud cais i ymuno â Chofrestr CGA, gofynnir iddynt gadarnhau a ydynt yn gallu siarad Cymraeg ai peidio. Mae ateb cadarnhaol yn golygu eu bod yn rhugl, neu’n weddol rugl yn yr iaith.

Hefyd, gofynnir iddynt gadarnhau a ydynt yn darparu addysg a hyfforddiant drwy gyfrwng y Gymraeg ar hyn o bryd, neu’n gallu gwneud hynny.

Yn y ddau achos, mae’r ymatebion wedi’u seilio ar hunanddatgan

Siaradwyr Cymraeg

Lawrlwythwch ffeil CSV siart

Gallu darparu addysg a hyfforddiant drwy gyfrwng y Gymraeg

Lawrlwythwch ffeil CSV siart

8. Gorchmynion Atal Dros Dro Interim

Os rhoddir gwybod i ni fod ymarferydd wedi cael ei gyhuddo o gamymddwyn difrifol iawn, mae gennym bwerau statudol i osod gorchymyn atal dros dro interim (ISO). Bydd ISO o’r fath yn dileu cofrestrai o’r Gofrestr dros dro fel ‘mesur brys’ tra’n disgwyl ymchwiliad. Gwneir hyn i ddiogelu dysgwyr a’r cyhoedd tra bod ymchwiliad heddlu’n cael ei derfynu, er enghraifft.

Gall ISO fod ar waith am hyd at 18 mis. Mae ein pwyllgorau ISO annibynnol yn cynnal adolygiadau ISO rheolaidd hefyd i sicrhau nad yw unrhyw ISO yn cael ei gymhwyso am gyfnod hwy nag sy’n angenrheidiol ac yn gymesur. Cynhelir yr adolygiadau hynny ar ôl 6 mis a 12 mis neu ar unrhyw adeg pan fydd newid i’r sefyllfa.

Cynhelir pob cyfarfod o’r pwyllgor ISO yn breifat.

Nifer y Gorchmynion Atal Dros Dro Interim (ISO) a osodwyd

Grwpiau Cofrestreion	2022-23	2023-24
Athrawon ysgol	1	5
Athrawon addysg bellach	0	0
Gweithwyr cymorth dysgu addysg bellach	0	0
Gweithwyr cymorth dysgu ysgolion	1	4
Ymarferwyr dysgu seiliedig ar waith	0	0
Athrawon ysgolion annibynnol	0	0
Gweithwyr cymorth dysgu ysgolion annibynnol	0	0
Athrawon sefydliadau ôl-16 arbennig annibynnol	0	0
Gweithwyr cymorth dysgu sefydliadau ôl-16 arbennig annibynnol	0	0
Gweithwyr cymorth ieuenctid	0	0
Gweithwyr ieuenctid	0	0
Sawl categori cofrestru	1	0
Cyfanswm	3	9

O’r naw achos a derfynwyd yn 2023–2024, yr amser cyfartalog a gymerwyd o dderbyn i derfynu oedd chwe wythnos a hanner.

Gan fod Gorchmynion Atal Dros Dro Interim yn fesur brys, ymdrinnir â’r achosion yn gyflym oherwydd eu natur a’u diben.

9. Asesu addasrwydd i gofrestru

Gofynnir i ddarpar gofrestreion ateb nifer o gwestiynau yn ymwneud â’u hanes blaenorol wrth wneud cais am gofrestru gyda CGA. Os yw ymgeisydd yn ateb yn gadarnhaol i unrhyw gwestiwn yn y datganiad hwn, caiff ei gais ei asesu gan y Tîm Priodoldeb i Ymarfer.

Yr ymgeisydd sy’n gyfrifol am ddangos ei addasrwydd i gofrestru gyda ni.

Asesiad addasrwydd

Cam 1: Mae swyddogion o’r farn bod y datganiad a wnaed yn gymharol ddibwys ac ni fyddai’n effeithio ar addasrwydd yr ymgeisydd i gofrestru; caniateir cofrestru.

Cam 2: Gofynnir i’r ymgeisydd ddarparu gwybodaeth fanylach am amgylchiadau ei ddatganiad a thystlythyrau/sylwadau i gefnogi ei addasrwydd i gofrestru. Os yw swyddogion yn fodlon ar ymateb yr ymgeisydd, caniateir cofrestru.

Cam 3: Mae swyddogion yn penderfynu atgyfeirio’r cais i Bwyllgor Addasrwydd graffu arno’n annibynnol mewn cyfarfod preifat. Mae’r atgyfeiriadau hyn yn ymwneud â datganiadau lle nad yw Swyddogion yn fodlon caniatáu cofrestru ar Gam 2.

Cyfarfod addasrwydd

Mae’r cyfarfod addasrwydd yn breifat ac yn gyfle i’r ymgeisydd esbonio wrth y Pwyllgor pam y mae o’r farn ei fod yn addas i’w gofrestru gyda ni.

Mae’r Pwyllgor Addasrwydd yn cynnwys o leiaf dri aelod panel, gan gynnwys o leiaf un aelod o’r categori cofrestreion sy’n briodol i’r ymgeisydd, ac un person lleyg. Caiff y Pwyllgor ei gefnogi gan ymgynghorydd cyfreithiol annibynnol.

Ar ôl clywed gan yr ymgeisydd, mae’r Pwyllgor yn ymneilltuo i ystyried, yn breifat, p’un a ddylai ganiatáu cofrestru neu beidio. Os na chaniateir cofrestru, ni chaiff yr ymgeisydd wneud unrhyw gais pellach yn yr un categori/categorïau cofrestru am 12 mis pellach, ac wedi hynny caiff ailymgeisio i gofrestru.

9.1. Nifer yr asesiadau addasrwydd yn dilyn datganiad a wnaed gan ymgeisydd, yn ôl grŵp cofrestreion, ac yn ôl blwyddyn

Grŵp Cofrestreion	2019-20	2020-21	2021-22	2022-23	2023-24
Gweithwyr cymorth dysgu ysgolion	84	80	86	96	137
Athrawon ysgol	30	33	30	24	22
Athrawon addysg bellach	21	16	20	12	9
Gweithwyr cymorth dysgu addysg bellach	6	5	6	7	8
Ymarferwyr dysgu seiliedig ar waith	24	14	9	13	17
Gweithwyr ieuenctid	3	0	0	1	0
Gweithwyr cymorth ieuenctid	7	6	3	0	2
Gweithwyr cymorth dysgu ysgolion annibynnol	0	0	0	0	3
Athrawon ysgolion annibynnol	0	0	0	0	1
Gweithwyr cymorth dysgu sefydliadau ôl-16 arbennig annibynnol	0	0	0	0	0
Athrawon sefydliadau ôl-16 arbennig annibynnol	0	0	0	0	0
Sawl categori cofrestru	40	27	29	33	19
Cyfanswm	215	181	183	186	218

9.2. Canlyniadau asesiadau addasrwydd ar ôl gwneud datganiad, yn ôl blwyddyn

Canlyniadau	2019-20	2020-21	2021-22	2022-23	2023-24
Caniatawyd y cais (cam 1/2)	167 (77.7%)	143(79.0%)	149(81.4%)	159(85.5%)	159(72.9%)
Caniatawyd y cais (cam 3)	8 (3.7%)	2 (1.1%)	10 (5.5%)	4 (2.2%)	8 (3.7%)
Gwrthodwyd y cais (cam 3)	4 (1.9%)	1 (0.6%)	2 (1.1%)	4 (2.2%)	1 (0.5%)
Tynnwyd y cais yn ôl/caewyd y cais	36(16.7%)	35(19.3%)	22(12.0%)	19(10.1%)	50 (22.9%)
Cyfanswm	215	181	183	186	218

Sylwer: Gall CGA a’r ymgeisydd ill dau dynnu ceisiadau yn ôl/gau ceisiadau. Er enghraifft, os na fydd ymgeisydd yn ymateb i ymholiadau am y datganiad a wnaeth, gallem roi’r gorau i’n hasesiad. Hefyd, gall ymgeisydd benderfynu tynnu ei gais yn ôl ar unrhyw adeg yn ystod y broses asesu.

9.3 Math o ddatganiad a wnaed – ymgeiswyr i gofrestru lle gwnaed datganiad – asesiadau a gwblhawyd 2023-24

Lawrlwythwch ffeil CSV siart

Mae Arall – yn cynnwys:

Gweithredu blaenorol neu weithredu yn yr arfaeth gan gyflogwr neu gorff rheoleiddio arall
Methiant i ddatgan gwybodaeth
Gwneud datganiad nad oedd yn bodloni’r trothwy ar gyfer datgelu

9.4 Demograffeg ymgeiswyr i gofrestru yn 2023-2024

Rhyw

Lawrlwythwch ffeil CSV siart

Oed

Lawrlwythwch ffeil CSV siart

Hunaniaeth genedlaethol

Lawrlwythwch ffeil CSV siart

Grŵp ethnig

Lawrlwythwch ffeil CSV siart

10. Apeliadau Sefydlu

Ni yw’r corff apeliadau ar gyfer Athrawon Newydd Gymhwyso (ANG) yng Nghymru:

sy’n methu eu cyfnod Sefydlu statudol
y mae eu cyfnod Sefydlu statudol yn cael ei ymestyn

ac sy’n dymuno apelio yn erbyn y penderfyniadau hynny, fel y’u gwnaed gan yr awdurdod lleol sy’n gysylltiedig.

Yn 2023-2024, ystyriwyd un apêl sefydlu gan CGA. Gwrthodwyd yr apêl honno.

11. Edrych tuag at 2024-25

Pan ddaw Gorchymyn Cyngor y Gweithlu Addysg (Categorïau Cofrestru Ychwanegol) (Cymru) 2024 i rym ym mis Mai 2024, bydd grwpiau ychwanegol o ymarferwyr addysg yn cael eu rheoleiddio, sef uwch arweinwyr a phenaethiaid addysg bellach, ac ymarferwyr addysg oedolion. Yna, byddwn yn rheoleiddio 13 o wahanol gategorïau cofrestru yn y gweithlu addysg yng Nghymru.

Byddwn yn:

recriwtio aelodau panel ychwanegol er mwyn cynnal cyflenwad sy’n caniatáu ar gyfer gweinyddu ein gwaith achos yn effeithiol.

parhau i weithio ar ddatblygu ystod o ddeunyddiau ac adnoddau ar-lein, gan gynnwys nifer o fideos gwybodaeth sy’n hysbysu’r cyhoedd am ein gwaith yn y maes hwn ac i gynorthwyo a chefnogi’r holl bartïon sy’n ymwneud â gwaith achos Priodoldeb i Ymarfer.

dechrau gweithio ar adolygu ein Cod yn unol â gofyniad Llywodraeth Cymru i wneud hynny bob tair blynedd. Ein nod yw sicrhau ei fod yn berthnasol, yn hygyrch ac yn ystyrlon i’r holl gategorïau cofrestreion, gan gynnwys y rhai hynny sydd wedi ymuno â’r Gofrestr ers mis Mai 2023.

parhau i gyflwyno hyfforddiant i ystod o wahanol gynulleidfaoedd (cwblhawyd 38 o sesiynau yn 2023-24) – cofrestreion presennol a darpar gofrestreion, cyflogwyr, asiantau a rhanddeiliaid allweddol eraill – am y Cod Ymddygiad ac Ymarfer Proffesiynol.

Lawrlwytho'r Cynllun Strategol 2024-27

Lawrlwytho'r Cynllun Strategol CGA 2024 27 - Cynllun ar dudalen

Rhagair gan ein Cadeirydd a’n Prif Weithredwr

Rydym yn falch o gyflwyno ein Cynllun Strategol 2024-27. Mae’n amlinellu sut y byddwn yn cyflawni ein swyddogaethau statudol craidd yn effeithiol, yn effeithlon, ac yn gynaliadwy, gan sicrhau cydraddoldeb a thegwch drwyddi draw i ddiogelu dysgwyr a phobl ifanc, a meithrin ffydd a hyder y cyhoedd yn y gweithlu addysg.

Mae’n rhaid mai ein blaenoriaeth yw cofrestru a rheoleiddio cadarn, fel mai dim ond y rhai sy’n addas ac yn gymwys i ymarfer sy’n gallu ymuno â’r Gofrestr gyhoeddus o fwy na 90,000 o weithwyr addysg proffesiynol. Ar ôl iddynt gofrestru, mae’n rhaid i ni sicrhau eu bod yn cynnal eu hymrwymiad i gynnal y Cod Ymarfer ac Ymddygiad Proffesiynol tra’n cyflawni’r safonau proffesiynol uchaf. Lle y codir pryderon am gofrestrai, byddwn yn ymchwilio i'w haddasrwydd i ymarfer ac, os oes angen, yn cymryd y camau priodol.

I'r rhai sy’n dyheu am ymuno â’r proffesiwn addysgu, byddwn yn parhau i ddarparu sicrwydd trwy gadarnhau bod y rhaglenni mynediad sy’n arwain at ddyfarnu’r cymhwyster proffesiynol (Statws Athro Cymwysedig) yn bodloni’r safon ofynnol. Mae’r gwaith hwn yn rhoi hyder i’r gweithlu presennol, i ddysgwyr a phobl ifanc, i rieni/gwarcheidwaid ac i’r cyhoedd yn ehangach fod athrawon o safon yn ymuno â’r gweithlu.

Yn ganolog i’n dull, ac i wireddu’r cynllun hwn, y mae perthynas gydweithredol ac ymatebol â’n cofrestreion a’n rhanddeiliaid. Mae hyn yn cynnwys cyfathrebu’n glir i sicrhau bod dealltwriaeth o’n gwaith a’i oblygiadau, ond hefyd sicrhau fod cofrestreion a rhanddeiliaid yn cael eu cefnogi wrth gyflawni eu rôl o fewn proffesiwn rheoleiddiedig.

Y tu hwnt i reoleiddio, byddwn yn parhau i gyfrannu fel corff unigryw ac annibynnol o fewn y tirlun addysg. Lle y bo’n briodol, byddwn yn llywio datblygiad polisi seiliedig ar dystiolaeth yng Nghymru trwy ddefnyddio ein safle, ein gwybodaeth, a data o’n Cofrestr. Yn ogystal, rydym yn ymrwymo i gyflawni ein rôl unigryw o ran gweithredu Cynllun Gweithredu Cymru Gwrth-hiliol Llywodraeth Cymru, a’r Cynllun Cymraeg mewn Addysg 10 mlynedd.

Mae’r heriau recriwtio sy’n effeithio ar y gweithlu addysg yng Nghymru yn gyfarwydd iawn. Trwy ein swyddogaeth graidd i hyrwyddo gyrfaoedd, rydym yn ymrwymo i weithio gyda phartneriaid amrywiol, gan flaenoriaethu recriwtio o gymunedau pobl dduon, Asiaidd ac ethnig leiafrifol, siaradwyr Cymraeg, ac athrawon pynciau lle mae prinder. Nod yr ymdrech gydweithredol hon yw nid yn unig mynd i’r afael â heriau presennol, ond llywio gweithlu mwy cynhwysol a chynrychioliadol at y dyfodol.

Fel sefydliad sy’n benderfynol o ddysgu a gwella’n barhaus, trwy gydol cyfnod y cynllun hwn, byddwn yn esblygu, gan sicrhau gwerth am arian i’n cofrestreion bob amser. Byddwn yn parhau i lobïo Llywodraeth Cymru i gryfhau deddfwriaeth reoleiddio CGA, yn gwella gwelededd ein gwaith ymhellach fel modd o feithrin ffydd a hyder y cyhoedd yn y gweithlu addysg yng Nghymru, adolygu ein prosesau a’n gweithdrefnau yn systematig ac yn barhaus, ac yn gwneud gwelliannau i’n technolegau fel bod cofrestreion a rhanddeiliaid yn cael gwasanaeth o ansawdd uchel gennym.

Yn olaf, hoffem ddiolch i’n cofrestreion a’n rhanddeiliaid ac edrychwn ymlaen at weithio gyda chi i wireddu’r Cynllun Strategol hwn.

Eithne Hughes, Cadeirydd

Hayden Llewellyn, Prif Weithredwr

Ein rôl a’n cylch gwaith

Gweledigaeth

Bod yn rheoleiddiwr proffesiynol, annibynnol dibynadwy sy’n gweithio er budd y cyhoedd i gynnal proffesiynoldeb a gwella safonau yn y gweithlu addysg yng Nghymru.

Diben

Mae Deddf Addysg (Cymru) 2014 yn amlinellu ein nodau a’n swyddogaethau yn ffurfiol.

Ein nodau

Cyfrannu at wella safonau addysgu ac ansawdd dysgu yng Nghymru.
Cynnal a gwella safonau ymddygiad proffesiynol ymysg athrawon ac eraill sy'n cefnogi addysgu a dysgu yng Nghymru.
Diogelu ym mudd dysgwyr, rhieni a gwarcheidwaid, a'r cyhoedd, a chynnal ymddiriedaeth a hyder y cyhoedd yn y gweithlu addysg.

Ein swyddogaethau

Sefydlu a chynnal Cofrestr o Ymarferwyr Addysg.
Cynnal Cod Ymddygiad ac Ymarfer Proffesiynol.
Ymchwilio a gwrando honiadau allai gwestiynu priodoldeb i ymarfer ymarferwyr cofrestredig.
Achredu a monitro AGA athrawon ysgol.
Rhoi cyngor i Lywodraeth Cymru ac eraill.
Monitro sefydlu a gwrando apeliadau sefydlu.
Hyrwyddo gyrfaoedd yn y gweithlu addysg.
Ymgymryd â gwaith penodol pan wahoddir gan Lywodraeth Cymru.

Y ffordd rydym ni’n gweithio

Mae ein diwylliant, ein galluoedd a’n seilwaith yn llywio ein hymagwedd at ein rôl fel rheoleiddiwr proffesiynol, annibynnol ac fel cyflogwr.

Ein gwerthoedd

Tegwch - Rydym yn gweithredu’n deg a gydag uniondeb i gynnal safonau a hybu proffesiynoldeb.

Cefnogaeth - Rydym yn cefnogi’r gweithlu addysg i gynnal safonau uchel o ymddygiad ac ymarfer.

Rhagoriaeth - Rydym yn anelu at ragoriaeth ac yn ymdrechu i ddarparu gwasanaeth o ansawdd uchel i gofrestreion, rhanddeiliaid, dysgwyr a phobl ifanc, rhieni/gwarcheidwaid, a’r cyhoedd.

Cydweithredu - Rydym yn gweithio mewn partneriaeth â’r gweithlu addysg a rhanddeiliaid eraill i ddatblygu a hybu rhagoriaeth mewn addysgu a dysgu.

Annibyniaeth - Rydym yn annibynnol ac yn rheoleiddio mewn modd diduedd ac wedi’i seilio ar dystiolaeth.

Cydraddoldeb, amrywiaeth, a chynhwysiant

Mae ein hymrwymiad i gydraddoldeb ac amrywiaeth yn annatod i’n hymagwedd at ein gwaith. Mae ein Cynllun Cydraddoldeb Strategol 2024-28 yn esbonio sut y byddwn yn gweithio i hyrwyddo’r egwyddorion hyn, o fewn ein sefydliad ac ar draws y gweithlu addysg ehangach yng Nghymru. Rydym wedi ymgorffori camau o Gynllun Gweithredu Gwrth-hiliol Llywodraeth Cymru a’r Cynllun Cymraeg mewn Addysg 10 mlynedd, y cawsom ein nodi fel partner allweddol neu arweinydd ynddo. Mae camau o Gynllun Gweithredu LHDTC+ Cymru wedi eu cynnwys hefyd yn ein cynlluniau.

Rydym yn benderfynol o leihau ein heffaith ar yr amgylchedd. Mae ein datganiad ar Adran 6 Y Ddyletswydd Bioamrywiaeth a Chydnerthedd Ecosystemau, sydd wedi’i gyhoeddi ar ein gwefan, yn amlinellu ein dull.

Y Gymraeg

Rydym wedi ymroi i’r Gymraeg ac yn falch o fod yn sefydliad dwyieithog, gan gynnig ein gwasanaethau yn Gymraeg a Saesneg. Rydym yn gweithio’n agos gyda Chomisiynydd y Gymraeg i sicrhau ein bod yn cydymffurfio’n llawn â Safonau’r Gymraeg.

Cynaliadwyedd ariannol

A ninnau’n rheoleiddiwr proffesiynol, annibynnol a ariennir trwy ffioedd cofrestru, mae’n hanfodol ein bod yn gweithredu yn unol â’n cyllideb ac yn defnyddio ein hadnoddau’n effeithlon. Byddwn yn parhau i ymdrechu i gadw ffioedd mor isel â phosibl, tra’n darparu’r lefel gwasanaeth uchaf wrth gyflawni ein dyletswyddau statudol. Fel rheoleiddwyr eraill, rydym yn cynnal cronfeydd ariannol digonol wrth gefn er mwyn rhoi sefydlogrwydd a sicrhau bod ein gwasanaethau’n cael eu hamddiffyn rhag risgiau a allai godi o ddigwyddiadau annisgwyl.

Rydym yn arwain gweithgareddau penodol ar ran Llywodraeth Cymru lle’r ystyrir mai ni yw’r corff mwyaf priodol i wneud gwaith o’r fath yng Nghymru. Mewn achosion felly, bydd Llywodraeth Cymru’n talu ein costau, trwy gyllid grant. Gallwn hefyd ymgymryd â gweithgareddau masnachol ac rydym yn gwneud hynny pan fyddwn yn ystyried bod hyn er budd cofrestreion a’r sector addysg yng Nghymru.

Ein pobl

Mae ein Cyngor yn cynnwys 14 aelod sy’n gosod cyfeiriad strategol y sefydliad ac sy’n gyfrifol am ei lywodraethu.

Penodir pob aelod am gyfnod o bedair blynedd. Penodir saith aelod yn uniongyrchol trwy system penodiadau cyhoeddus Llywodraeth Cymru, a phenodir saith yn sgil cael eu henwebu gan amrywiaeth o randdeiliaid.

Hefyd, rydym yn cynnal ac yn cefnogi:

cronfa o fwy na 50 o aelodau panel priodoldeb i ymarfer
bwrdd achredu Addysg Gychwynnol Athrawon (AGA) sy’n cynnwys 12 aelod
cronfa o fwy na 45 aseswr y Marc Ansawdd ar gyfer Gwaith Ieuenctid yng Nghymru

Rydym yn cyflogi dros 50 o aelodau staff.

Sut byddwn yn monitro cynnydd

Byddwn ni’n adrodd ar ein cynnydd yn erbyn amcanion a deilliannau’r cynllun hwn ac yn cyhoeddi hynny mewn pedwar adolygiad chwarterol, ac yn ein Hadroddiad Blynyddol a Chyfrifon, sy’n cael eu gosod gerbron y Senedd yn flynyddol a’u harchwilio gan Archwilio Cymru.

Amcanion allweddol ar gyfer 2024-27

Mae ein hamcanion yn amlinellu sut rydym yn amcanu at wireddu ein gweledigaeth yn ystod cyfnod y cynllun hwn. Bydd y rhain yn cyfrannu at gamau gweithredu mesuradwy a phenodol, a osodir fel rhan o’n proses cynllunio gweithredol flynyddol.

Amcan 1

Bod yn rheoleiddiwr proffesiynol, annibynnol, effeithiol, sy’n gweithio er budd y cyhoedd ac sy’n meithrin hyder yn y gweithlu addysg

Cynnal Cofrestr o Ymarferwyr Addysg sy’n gywir ac yn hygyrch.
Gweithredu gweithdrefnau rheoliadol trylwyr, teg, a thryloyw sy’n sicrhau mai dim ond y rheiny sy’n cael eu hystyried yn briodol i ymarfer all wneud hynny.
Llunio ymarfer cofrestreion trwy ddatblygu a hyrwyddo safonau uchel o ymddygiad a phroffesiynoldeb.
Achredu a sicrhau ansawdd rhaglenni a darpariaeth addysg yng Nghymru.
Sicrhau gwelededd gwaith CGA ymhlith cofrestreion, rhieni/gwarcheidwaid, y cyhoedd a’n rhanddeiliaid, a dealltwriaeth ohono, drwy gyfathrebu ac ymgysylltu effeithiol, hygyrch ac ymatebol.

Amcan 2

Cefnogi proffesiynoldeb a dysgu, a hyrwyddo gyrfaoedd o fewn y gweithlu addysg.

Darparu cyfres o ganllawiau, adnoddau, a gwasanaethau proffesiynol, wedi ffocysu ar gefnogi ein cofrestreion i gynnal egwyddorion allweddol y Cod Ymddygiad ac Ymarfer Proffesiynol.
Arwain a chefnogi mentrau i hyrwyddo ac annog dysgu proffesiynol effeithiol i gofrestreion.
Arwain a chefnogi mentrau i hyrwyddo ymgysylltiad ag ymchwil a helpu lledaenu arfer gorau i gofrestreion.
Hyrwyddo gyrfaoedd o fewn y gweithlu addysg a gyrru gwelliannau o ran recriwtio.

Amcan 3

Ceisio llywio, llunio, a dylanwadu ar bolisi addysgol yng Nghymru er budd y gweithlu addysg.

Darparu cyngor, ymchwil, a dadansoddi annibynnol gyda’r nod o wella safonau, a llywio a dylanwadu ar ddatblygu a chyflwyno polisi addysg yng Nghymru.
Cydweithredu â chofrestreion, rhieni/gwarcheidwaid, y cyhoedd, a’n rhanddeiliaid i lywio a dylanwadu ar bolisi addysg yng Nghymru, gan helpu gwella safonau.
Dylanwadu ar Lywodraeth Cymru a rhanddeiliaid eraill i sicrhau bod deddfwriaeth sydd wrth wraidd ein swyddogaethau rheoleiddio yn ddigon trylwyr.
Darparu Ysgrifenyddiaeth ar gyfer Corff Adolygu Cyflogau Annibynnol Cymru (IWPRB).

Amcan 4

Bod yn sefydliad gwydn, galluog, a chynaliadwy yn ariannol, sy’n cynnig gwerth am arian i gofrestreion.

Rheoli adnoddau’n effeithiol ac yn gynaliadwy er mwyn bodloni anghenion presennol a’r dyfodol, gan wneud defnydd priodol o dechnoleg i yrru effeithlonrwydd a gwella’n gwasanaethau.
Meddu ar brosesau cynllunio, rheoli perfformiad a chydymffurfio effeithiol, gan sicrhau eu bod yn ymgorffori arfer gorau.
Bod yn gyflogwr rhagorol sy’n hybu diwylliant cefnogol a chynhwysol lle bydd yr holl staff, aelodau’r Cyngor a phwyllgorau/paneli yn teimlo’u bod yn cael eu gwerthfawrogi a’u bod yn gallu cyfrannu’n llawn.
Dylanwadu ar Lywodraeth Cymru a rhanddeiliaid eraill i sicrhau bod deddfwriaeth sydd wrth wraidd ein hannibyniaeth, ein llywodraethiant a’n cyllid yn parhau’n addas at y diben.

Lawrlwytho'r Cynllun Cydraddoldeb Strategol 2024-28

Lawrlwytho'r Cynllun Cydraddoldeb Strategol CGA 2024 28 - Cynllun ar dudalen

Cyflwyniad

Mae’r cynllun hwn, sy’n cwmpasu’r cyfnod 2024-28, yn amlinellu ymrwymiad Cyngor y Gweithlu Addysg (CGA) i gydraddoldeb ac amrywiaeth ac yn esbonio sut byddwn yn gweithio i hyrwyddo’r egwyddorion hyn o fewn ein sefydliad ac, (o fewn ein cylch gwaith) ar draws y gweithlu addysg ehangach yng Nghymru. Amcan y cynllun newydd yma yw adeiladu ar gynnydd ers cyhoeddi ein cynllun blaenorol yn 2020, ac mae’n gydnaws â’r weledigaeth a’r amcanion yn ein Cynllun Strategol 2024-27.

Mae’r cynllun yma, sy’n adlewyrchu ein hymrwymiad i ymgymryd â’n rhan mewn creu Cymru decach, yn sefydlu cyfres o amcanion cydraddoldeb strategol uchelgeisiol. O fewn y cynllun gweithredu rydym yn amlinellu camau clir, gan roi manylion am sut rydym yn anelu at eu cyflawni a sut caiff ein llwyddiant ei fesur.

Mae’r cynllun hefyd yn cofleidio ein rôl bwysig mewn adolygu ac amlygu materion cydraddoldeb ehangach o fewn y gweithlu addysg, ac yn manylu ar ein bwriad i weithio mewn partneriaeth agos â Llywodraeth Cymru a rhanddeiliaid eraill i ddatrys y materion hyn. Mae hefyd yn adlewyrchu’r colau a nodir yng Nghynllun Gweithredu Cymru wrth-hiliol Llywodraeth Cymru, a Chynllun Gweithredu LHDTC+ Cymru, lle mae Llywodraeth Cymru’n nosi eu bod am wneud Cymru’n genedl gwrth-hiliol erbyn 2030, a’r genedl mwyaf LHDTC+ gyfeillgar yn Ewrop.

Credwn fod yr amcanion a amlinellir o fewn y cynllun hwn yn uchelgeisiol ac yn adlewyrchu ein rôl a’n cylch gwaith neilltuol (sydd wedi’u diffinio’n fanwl gywir). Fodd bynnag, pan fydd cyfleoedd i wneud hynny, byddwn yn ceisio rhagori ar ein hamcanion cydraddoldeb a nodwyd, gan chwilio’n rhagweithiol am gyfleoedd i fynd y tu hwnt i ddisgwyliadau er mwyn cyfrannu at greu Cymru decach a mwy cyfiawn.

Amdanom ni

CGA yw’r rheoleiddiwr annibynnol, proffesiynol ar gyfer y gweithlu addysg yng Nghymru. Rydym yn rheoleiddio ymarferwyr addysg mewn ysgolion, addysg bellach, gwaith ieuenctid, addysg oedolion, ac ymarferwyr dysgu'n seiliedig ar waith. Fe’n sefydlwyd gan Ddeddf Addysg (Cymru) 2014, a daethom i fodolaeth ar 1 Ebrill 2015.

Caiff ein prif nodau o dan y Ddeddf eu crynhoi isod, a manylir ymhellach arnynt mewn is-ddeddfwriaeth.

Rheoleiddio

Ein swyddogaeth graidd yw rheoleiddio er budd y cyhoedd. Er mwyn gwneud hyn, i ddechrau, rydym yn cynnal Cofrestr o Ymarferwyr Addysg sy’n gymwys i ymarfer mewn ysgolion, addysg bellach, gwaith ieuenctid, addysg oedolion a dysgu'n seiliedig ar waith. Yn ail, rydym yn cyhoeddi Cod Ymddygiad ac Ymarfer Proffesiynol sy’n amlinellu’r safonau a ddisgwylir gan y rheiny rydym yn eu cofrestru. Yn drydydd, rydym yn clywed ac yn ymchwilio i honiadau o ymddygiad proffesiynol annerbyniol, anghymhwysedd proffesiynol difrifol, neu droseddau perthnasol. Mae gennym gyfrifoldeb statudol hefyd i achredu rhaglenni Addysg Gychwynnol Athrawon (AGA), a monitro eu cydymffurfiad â meini prawf cenedlaethol.

Cymorth

Rydym yn cefnogi ein cofrestreion i fodloni eu rôl fel gweithwyr proffesiynol a reoleiddir a chynnal egwyddorion allweddol y Cod Ymddygiad ac Ymarfer Proffesiynol trwy ddarparu gwybodaeth, adnoddau a gwasanaethau defnyddiol wedi’u cynllunio i gynnig arweiniad a chyfeiriad.

Hyrwyddo

Rydym yn mynd ati i hyrwyddo gyrfaoedd mewn addysg yng Nghymru trwy wefan Addysgwyr Cymru a’u gwasanaeth cynghori. Fe’i hariennir gan Lywodraeth Cymru, a’i ddatblygu gan CGA, ac mae’n cynnig ystod o wasanaethau sy’n dod â chyfleoedd gyrfaoedd, hyfforddiant a swyddi at ei gilydd o fewn addysg Cymru.

Dylanwad

Rydym yn chwilio am gyfleoedd i ffurfio a dylanwadu ar bolisi addysg yng Nghymru er budd ein cofrestreion. Mae ein cyfrifoldeb statudol i ddarparu cyngor, dadansoddi ymchwil, a deallusrwydd annibynnol, yn golygu y gallwn ni gefnogi cynllunio’r gweithlu ledled Cymru.

Y cyd-destun cyfreithiol

Mae gennym ddyletswydd statudol i gyhoeddi cynllun cydraddoldeb statudol sy’n amlinellu ein hymrwymiad i fynd i’r afael â gwahaniaethu. Mae hyn yn deillio o Ddeddf Cydraddoldeb 2010, sy’n cynnwys dyletswydd cydraddoldeb y sector cyhoeddus yn cwmpasu’r nodweddion gwarchodedig canlynol:

oedran
ailbennu rhywedd
rhyw
hil (gan gynnwys tras ethnig neu genedlaethol, lliw, neu genedligrwydd)
anabledd
beichiogrwydd a mamolaeth
cyfeiriadedd rhywiol
crefydd neu gredo (gan gynnwys diffyg credo)
priodas a phartneriaeth sifil

Mae CGA yn rhwym hefyd wrth y ddyletswydd gyffredinol i gyflawni ein swyddogaethau cyhoeddus mewn ffordd sy’n cyfrannu at ddatblygiad tegwch drwy:

ddileu gwahaniaethu, aflonyddu, a fictimeiddio anghyfreithlon, ac unrhyw ymddygiad arall sydd wedi ei wahardd gan y Ddeddf
hybu cyfle cyfartal rhwng pobl sy’n rhannu nodweddion gwarchodedig a phobl nad ydynt yn eu rhannu
meithrin cysylltiadau da rhwng pobl sy’n rhannu nodweddion gwarchodedig, a phobl nad ydynt yn eu rhannu

Mae Rheoliadau Deddf Cydraddoldeb 2010 (Dyletswyddau Statudol) (Cymru) 2011 yn amlinellu dyletswyddau penodol pellach y mae’n rhaid i CGA gydymffurfio â nhw, yn ymwneud â’r canlynol:

amcanion
cynlluniau cydraddoldeb strategol
ymgysylltu
asesu effaith
gwybodaeth am gydraddoldeb
gwybodaeth am gyflogaeth
gwahaniaethau mewn cyflog
hyfforddiant staff
caffael
adrodd yn flynyddol
cyhoeddi
adroddiadau gan Weinidogion Cymru
adolygu
hygyrchedd

Ein sail dystiolaeth

I sicrhau bod y cynllun yma’n effeithiol ac yn gydnaws ag anghenion amrywiol ein cyflogeion, ein cofrestreion a’n rhanddeiliaid, rydym wedi ystyried ystod eang o dystiolaeth wrth ddatblygu ein hamcanion cydraddoldeb.

Mae ein hymagwedd at ymgysylltu yn cynnwys rhaglen dreigl o gyfarfodydd gyda rhanddeiliaid allweddol a grwpiau â buddiant, lle mae materion cydraddoldeb sy’n briodol i’n cylch gwaith ymhlith y materion sy’n cael eu trafod.

Felly, mae datblygu’r cynllun hwn wedi cael ei lywio gan fewnwelediadau gan ystod eang o grwpiau ac unigolion.

Ymgysylltu mewnol

Sesiynau cynllunio’r Cyngor a staff
Fforwm cyflogeion
Cyfarfodydd â phob un o’r staff
Adolygu Perfformiad a Datblygiad/proses adolygu aelodau

Ymgysylltu â chofrestreion

Arolwg hygyrchedd
Arolygon y gweithle

Ymgysylltu â rhanddeiliaid

Defnyddio ein rhaglen o gyfarfodydd rheolaidd (er enghraifft undebau yn cynrychioli ein cofrestreion, partneriaethau Addysg Gychwynnol Athrawon (fel rhan o’r broses achredu), swyddogion Llywodraeth Cymru)
Siarad â grwpiau cynrychioliadol, fel DARPL (Dysgu Proffesiynol Amrywiaeth a Gwrth-Hiliaeth) a’r Black Leadership Group
Tystiolaeth a gesglir gan ein tîm ‘Hyrwyddo Gyrfaoedd’ yn eu hymdrechion i hyrwyddo gyrfaoedd o fewn y gweithlu addysg i unigolion o gymunedau amrywiol

Rydym yn cyfranogi mewn, ac yn ymgysylltu ag, ystod o rwydweithiau a grwpiau cydraddoldeb:

Comisiwn Cydraddoldeb a Hawliau Dynol Cymru
Rhwydwaith Cyfnewidfa Cydraddoldeb a Hawliau Dynol
Rhwydwaith BAMEed Cymru
DARPL
Rhwydwaith Cydraddoldeb De-ddwyrain Cymru (SEWEN)
Race Council Cymru
Tîm Lleiafrifoedd Ethnig ac Ieuenctid (EYST) Cymru
Grŵp Llywio AB Cymru Wrth-hiliol
Grŵp Cydraddoldeb ac Amrywiaeth Colegau Cymru
Welsh Islamic Cultural Association
Gwasanaeth Iechyd Meddwl BAME
Canolfan Datblygu Cymunedol De Glan-yr-Afon
Uned Proffesiwn Polisi Llywodraeth y DU

Rydym hefyd yn cynnal perthnasoedd proffesiynol anffurfiol, ac yn nodi cyfleoedd i gydweithio, gydag ystod o sefydliadau eraill sy’n hyrwyddo cydraddoldeb. Mae’r rhain yn cynnwys Y Comisiwn Cydraddoldeb a Hawliau Dynol, Dangos y Cerdyn Coch i Hiliaeth, Diverse Cymru, a Stonewall. Mae ymgysylltu o’r fath yn helpu sicrhau bod CGA yn ymwybodol o ystod o faterion a safbwyntiau yn gysylltiedig â chydraddoldeb.

Mae’r cynllun cydraddoldeb strategol a’r amcanion cydraddoldeb hefyd wedi cael eu llywio gan ystod o ffynonellau tystiolaeth eraill, gan gynnwys:

data o’n Cofrestr (sy’n cwmpasu amrywiaeth cofrestreion)
Cynllun Gweithredu Cymru Wrth-hiliol Llywodraeth Cymru
Cynllun Gweithredu LHDTC+ Cymru Llywodraeth Cymru
ymchwil CGA (ar gyfer Llywodraeth Cymru) ar gynyddu amrywiaeth o fewn y gweithlu ysgolion yng Nghymru
data priodoldeb i ymarfer (PiY)
data cyfrifiad
Monitor Cydraddoldeb a Hawliau Dynol 2023: A yw Cymru’n Decach?
Mynegai lles athrawon Education Support

Ein hamcanion cydraddoldeb strategol

Bydd ein hymagwedd at gydraddoldeb ac amrywiaeth yn cael ei harwain gan y pum amcan strategol, a amlinellir isod. Ategir yr amcanion gan gynllun gweithredu manwl sy’n amlinellu’r gweithgareddau penodol y byddwn yn ymgymryd â nhw i ddatblygu cydraddoldeb ac amrywiaeth.

Amcan 1: Meithrin tîm CGA amrywiol a chynhwysol

Beth yw ein nod?

Rydym eisiau gweithio tuag at y nod i gynnull tîm amrywiol[1] ynghyd o fewn CGA, sy’n fwy cynrychioliadol o boblogaeth amrywiol Cymru (ar draws yr holl nodweddion gwarchodedig). Rydym hefyd eisiau sicrhau bod holl gyflogeion CGA yn cael eu trin yn deg ac yn gallu cyflawni eu potensial o fewn y sefydliad.

Pam mae’n bwysig i CGA?

Bydd datblygu tîm amrywiol a meithrin eu doniau yn sicrhau bod ein sefydliad yn gallu elwa ar ystod o wahanol sgiliau a safbwyntiau, gan wella prosesau gwneud penderfyniadau, ac ymrwymo i degwch a chydraddoldeb.

Bydd ein camau gweithredu yn canolbwyntio ar y canlynol:

monitro ein harferion cyflogaeth i sicrhau bod CGA mewn sefyllfa dda i recriwtio a dargadw gweithlu amrywiol
casglu (a mynd ati i fonitro) data cydraddoldeb cynhwysfawr ac ystyrlon ynglŷn â’n cyflogeion
annog cyfraddau datgelu gwell (ynghylch nodweddion gwarchodedig) gan staff ac aelodau’r cyngor/paneli i ennill dealltwriaeth lawnach o’r amrywiaeth yn ein gweithlu
adolygu a gwella prosesau recriwtio ar gyfer staff, aelodau’r Cyngor a’r pwyllgor/panel[1] , i sicrhau tegwch i’r holl grwpiau nad oes cynrychiolaeth ddigonol ohonynt

Amcan 2: Monitro’r bwlch cyflog rhwng y rhywiau a nodi cyfleoedd i’w leihau

Beth yw ein nod?

Rydym eisiau gweithio i ddiddymu’r bwlch cyflog rhwng y rhywiau, trwy sicrhau bod polisïau ac arferion yn cael eu cymhwyso sy’n ymwneud â chyflog a dilyniant yn darparu cyfle cyfartal i bawb.

Pam mae hyn yn bwysig i CGA?

A ninnau’n sefydliad bach, mae’r graddau y gallwn ddylanwadu ar ein bwlch cyflog cyffredinol rhwng y rhywiau yn gyfyngedig, gyda deilliannau recriwtio unigol (er enghraifft penodi menyw i swydd uwch o fewn y sefydliad) weithiau’n effeithio’n sylweddol ar y bwlch cyflog. Fodd bynnag, rydym eisiau sicrhau bod ein cyflogeion yn cael eu trin yn gyfartal ac yn deg, gyda pharch i gyflog ac amodau, ni waeth beth yw eu rhywedd. Felly, mae’n bwysig ein bod yn deall ac yn monitro’n agos y bwlch cyflog rhwng y rhywiau o fewn CGA, ac yn cymryd camau i’w leihau.

Bydd ein camau yn canolbwyntio ar y canlynol:

monitro a chyhoeddi gwybodaeth yn ymwneud â’n bwlch cyflog rhwng y rhywia
gwella ein dealltwriaeth o unrhyw gysylltiadau rhwng y rhywiau a chyflog o fewn CGA
sicrhau bod staff sy’n ddynion ac yn fenywod yn cael cyfle cyfartal i wneud cynnydd o fewn CGA pan fydd cyfleoedd yn codi

Amcan 3: Gweithle cynhwysol lle dethlir amrywiaeth

Beth yw ein nod?

Rydym ni eisiau i CGA fod yn sefydliad cynhwysol, lle mae cyflogeion yn teimlo’n ddiogel, yn cael eu parchu a’u cefnogi i gyflawni hyd eithaf eu gallu, ni waeth pa nodweddion gwarchodedig a allai fod ganddynt.

Pam mae hyn yn bwysig i CGA?

Trwy sicrhau bod yr holl gyflogeion yn teimlo’u bod yn cael eu gwerthfawrogi a’u trin yn deg, rydym eisiau meithrin diwylliant lle gall staff ffynnu a chyflawni eu potensial. Gallai hyn, yn ei dro, ein galluogi i ddenu a chadw gweithlu mwy amrywiol (yn unol ag amcan un).

Bydd ein camau yn canolbwyntio ar y canlynol:

sicrhau bod ein swyddfeydd yn groesawgar ac yn hygyrch
trefnu digwyddiadau sy’n dathlu ac yn codi ymwybyddiaeth am wahanol grwpiau a materion sy’n berthnasol i’r nodweddion gwarchodedig, i atgyfnerthu pwysigrwydd croesawu amrywiaeth
cyflwyno rhaglen hyfforddi ddifyr a hygyrch ar faterion cydraddoldeb ac amrywiaeth, ar gyfer yr holl gyflogeion
llunio cylchlythyrau cydraddoldeb rheolaidd i rannu gwybodaeth, annog ymgysylltu a dathlu amrywiaeth
rhoi rhaglen les amrywiol ar waith a cheisio cynyddu ymgysylltiad â’r gweithgareddau hyn trwy nodi unrhyw rwystrau rhag ymgysylltu
darparu cyfleoedd i gyflogeion roi adborth a’u grymuso i leisio barn ynghylch unrhyw faterion neu bryderon yn ymwneud â chydraddoldeb ac amrywiaeth

Amcan 4: Cyflwyno gwasanaethau hygyrch ar gyfer cofrestreion a rhanddeiliaid

Beth yw ein nod?

Rydym eisiau sicrhau bod ein holl wasanaethau yn hygyrch ar gyfer cofrestreion a rhanddeiliaid, ni waeth beth yw hanghenion a’u galluoedd amrywiol. Byddwn yn ymdrechu i wella hygyrchedd ein gwasanaethau yn barhaus, i gyd-fynd ag arfer gorau a gofynion cyfreithiol.

Pam mae hyn yn bwysig i CGA?

Mae gofyn i ni nodi, lliniaru a, (os oes modd) dileu unrhyw rwystrau a allai wynebu ein cofrestreion a rhanddeiliaid eraill (gan gynnwys dysgwyr a rhieni/gwarcheidwaid) wrth ryngweithio â ni neu ddefnyddio ein gwasanaethau.

Bydd ein camau yn canolbwyntio ar y canlynol:

gwrando ar gofrestreion i sicrhau bod ein gwasanaethau yn diwallu eu hanghenion amrywiol
nodi unrhyw rwystrau sy’n wynebu cofrestreion a rhanddeiliaid wrth ryngweithio â CGA, a chymryd camau i ddileu’r rhain, fel y bo’n briodol ac yn gymesur
ymchwilio i gyfleoedd i ehangu hygyrchedd ein gwasanaethau
nodi cyfleoedd i dynnu sylw ystod eang o gynulleidfaoedd ag anghenion a nodweddion amrywiol at ein gwaith

Amcan 5: Helpu datblygu gweithlu addysg sy’n cynrychioli’r boblogaeth amrywiol yng Nghymru

Beth yw ein nod?

Hoffem weld gweithlu addysg yng Nghymru sy’n adlewyrchu amrywiaeth y boblogaeth ehangach yng Nghymru.

Pam mae hyn yn bwysig i CGA?

Credwn y dylai’r gweithlu addysg adlewyrchu cyfoeth cymdeithas, yn cwmpasu cefndiroedd, safbwyntiau a phrofiadau amrywiol. Felly, mae’n hanfodol sicrhau cyfleoedd gyrfa teg a chyfiawn a chael gwared ar unrhyw rwystrau a allai fod yn atal pobl o gefndiroedd amrywiol rhag gweithio o fewn y proffesiynau addysg cofrestredig.

Mae ein cyfrifoldebau’n cynnwys hyrwyddo gyrfaoedd yn y proffesiynau addysg a chynghori Llywodraeth Cymru ar faterion yn gysylltiedig â’r gweithlu addysg ac addysgu a dysgu. Yn ychwanegol, rydym wedi cael ein nodi o fewn cynllun gweithredu Cymru wrth-hiliol Llywodraeth Cymru yn bartner/arweinydd allweddol ar gynyddu amrywiaeth ethnig y gweithlu addysg. Rydym hefyd yn ymwybodol o amcanion cynlluniau a strategaethau allweddol eraill i hyrwyddo amrywiaeth, gan gynnwys Cynllun Gweithredu LHDTC+ Cymru.

Credwn y bydd creu gweithlu addysg sy’n fwy amrywiol yn chwarae rôl allweddol mewn meithrin cydlyniant cymdeithasol trwy alluogi dysgwyr a phobl ifanc i dyfu a datblygu mewn amgylchedd lle mae modelau rôl gweladwy ac amrywiol. Bydd gweithlu mwy amrywiol hefyd yn galluogi dysgwyr a phobl ifanc i gael eu hamlygu i ystod ehangach o safbwyntiau, gan gyfoethogi eu profiad addysgol a’u paratoi i fod yn ddinasyddion byd-eang gwybodus.

Bydd ein camau yn canolbwyntio ar y canlynol:

defnyddio’r data unigryw o’n Cofrestr o Ymarferwyr Addysg (y Gofrestr) i fonitro amrywiaeth gweithwyr addysg proffesiynol cofrestredig yng Nghymru
sicrhau bod y Gofrestr yn darparu’r data llawnaf posibl ynghylch ethnigrwydd y gweithlu (o ran oedran, anabledd a rhyw, yn ogystal)
defnyddio ein platfform i amlygu materion yn ymwneud ag amrywiaeth o fewn y gweithlu
gweithio gyda chofrestreion a rhanddeiliaid i hyrwyddo gyrfaoedd mewn addysg i gynulleidfa amrywiol (gyda phwyslais penodol ar gynyddu amrywiaeth ethnig) a hyrwyddo gwefan a gwasanaeth cynghori Addysgwyr Cymru fel ffordd o gefnogi’r gwaith hwn
chwarae rôl sy’n cyfrannu, trwy Addysgwyr Cymru, at recriwtio gweithlu mwy amrywiol

Sut byddwn ni’n gwybod os ydym ni’n gwneud cynnydd?

Monitro trefniadau

Bydd ein pum amcan cydraddoldeb yn destun prosesau monitro ac adrodd manwl, yn bennaf trwy gyhoeddi ein Hadroddiad Blynyddol ar Gydraddoldeb, a fydd yn cael ei gyhoeddi trwy ein gwefan. Bydd ystod o fertigau ansoddol a meintiol yn cael eu defnyddio i werthuso ein cynnydd wrth gyflawni pob amcan, a bydd yr uwch dîm rheoli’n craffu ar gynnydd mewn cyfarfodydd misol. Bydd y Pwyllgor Gweithredol a Chyngor CGA hefyd yn goruchwylio ein cynnydd, a bydd yn derbyn adroddiadau chwarterol ar roi’r cynllun gweithredu ar waith.

Cyhoeddi gwybodaeth am gydraddoldeb

Yn ogystal â’r Adroddiad Blynyddol ar Gydraddoldeb, byddwn yn cyhoeddi ystod o ddata cydraddoldeb ychwanegol ar ein gwefan, gan gynnwys:

adroddiadau blynyddol am Ystadegau ar y Gweithlu Addysg, yn darparu data pwysig ar gyfansoddiad y gweithlu addysg yng Nghymru, a dadansoddiadau eraill ar wahân
data cydraddoldeb ar ymgeiswyr ar gyfer cofrestru a chofrestreion sydd wedi bod yn destun gweithdrefnau PiY, fel rhan o’r adroddiad blynyddol PiY
dadansoddiad o gyflog y rhywiau, adrodd am wybodaeth am gyflogau ein cyflogeion yn ôl rhywedd

Aros ar y llwybr cywir

I ategu ein hymrwymiad i gydraddoldeb ac amrywiaeth, bydd holl brosesau a ppolisïau perthnasol (yn cynnwys y rhai ar gaffael) yn cael eu diweddaru, gan ystyried unrhyw newidiadau yn y gyfraith neu amgylchiadau mewnol neu allanol. Byddwn hefyd yn adolygu ein prosesau monitro ac adrodd o dro i dro, ac yn rhoi unrhyw welliannau angenrheidiol ar waith.

Asesiadau o’r Effaith ar Gydraddoldeb

Fel sy’n ofynnol gan Ddeddf Cydraddoldeb 2010, bydd Asesiadau o’r Effaith ar Gydraddoldeb yn ffurfio rhan bwysig o’r broses datblygu a chymeradwyo ar gyfer unrhyw bolisi newydd (neu bolisi wedi’i adolygu). Bydd hyn yn helpu arwain prosesau mewnol, gan sicrhau bod y penderfyniadau a wneir wedi’u seilio ar dystiolaeth ac yn rhoi ystyriaeth benodol i gydraddoldeb.

Bydd Asesiadau o’r Effaith ar Gydraddoldeb hefyd yn amlinellu natur unrhyw werthuso parhaus posibl o ran polisïau, gweithdrefnau ac arfer. Ar gyfer polisïau AD newydd neu rai wedi’u diwygio, bydd Asesiad o’r Effaith ar Gydraddoldeb yn cael ei gyflwyno (ynghyd â’r polisi) i’r fforwm cyflogeion fel rhan o’r broses ymgynghori â’r staff cyfan. Bydd yr uwch dîm rheoli hefyd yn ystyried yr asesiad fel rhan o’r broses fabwysiadu. Cedwir storfa o Asesiadau o’r Effaith ar Gydraddoldeb cyflawn yn ganolog.

Er mwyn sicrhau bod gwybodaeth am gydraddoldeb yn cael ei defnyddio’n ystyrlon ac yn briodol i arwain y penderfyniadau a wneir, byddwn yn adolygu effeithiolrwydd ein prosesau a’n canllawiau ar Asesiadau o’r Effaith ar Gydraddoldeb o dro i dro.

Hyfforddiant a datblygiad cydraddoldeb

Byddwn yn darparu hyfforddiant rheolaidd ar gyfer holl staff CGA ynghylch cydraddoldeb ac amrywiaeth. Bydd hyn yn cynnwys darparu trosolwg o Ddeddf Cydraddoldeb 2010 a Dyletswydd Cydraddoldeb y Sector Cyhoeddus ar gyfer yr holl aelodau staff newydd pan gânt eu penodi, fel rhan o’r broses sefydlu. Bydd hyn yn cael ei ategu gan sesiynau hyfforddi rheolaidd ar gyfer pob aelod o staff sy’n cwmpasu materion yn ymwneud â’r gwahanol nodweddion gwarchodedig.

Bydd hyfforddiant ar faterion yn gysylltiedig â chydraddoldeb hefyd yn cael ei ddarparu ar gyfer aelodau’r Cyngor a phwyllgorau/paneli[3] . Bydd yr hyfforddiant hwn yn cwmpasu’r ddyletswydd cydraddoldeb a’u rolau priodol mewn gosod cyfeiriad strategol CGA, adolygu ei berfformiad a sicrhau bod trefniadau llywodraethu cryf mewn grym.

Cynllun Gweithredu Cydraddoldeb Strategol 2024-28

Amcan 1: Meithrin tîm CGA amrywiol a chynhwysol

Casglu a dadansoddi data ar nodweddion gwarchodedig ein staff (ac aelodau’r Cyngor/panel) i ddeall amrywiaeth ein gweithlu a monitro’i esblygiad yn well.

Cam	Manylion	Nodwedd warchodedig	Graddfa amser	Arweinydd
1.1	Casglu data ynglŷn â’n cyflogeion a’u nodweddion gwarchodedig (trwy ein ffurflen casglu data blynyddol ar staff) i ddeall cyfansoddiad ein gweithlu. Defnyddio data i helpu datblygu gweithle mwy amrywiol, cydradd, a chynhwysol (gan hysbysu gweithgareddau fel asesiadau effaith a datblygu cynlluniau hyfforddi a polisïau). Byddwn hefyd yn dadansoddi tueddiadau ac yn meincnodi ein data yn erbyn data sefydliadau tebyg eraill a’r gweithlu ehangach yng Nghymru/y DU.	Pob un	Bob blwyddyn erbyn 31 Mawrth	Cyfarwyddwr Cyllid a Gwasanaethau Corfforaethol, a’r Cyfarwyddwr Datblygiad Proffesiynol, Achredu a Pholisi
1.2	Cyfathrebu â staff i’w hannog i ddychwelyd gwybodaeth (yn wirfoddol) am eu nodweddion gwarchodedig (yn unol â cham 1.1), yn esbonio pam mae’n bwysig i CGA gasglu data mwy cyflawn ac ystyrlon. Defnyddio sianelau a fforymau cyfathrebu mewnol i ledaenu negeseuon allweddol.	Pob un	Erbyn 31 Mawrth 2025	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Cyllid a Gwasanaethau Corfforaethol
1.3	Ymchwilio ymhellach (gan gynnwys ymgynghori gyda staff a cheisio cyngor cyfreithiol, os oes angen) i’r posibilrwydd o gysylltu data ar gydraddoldeb a ddatgelir yn wirfoddol i gofnodion AD unigol, er mwyn galluogi dealltwriaeth fwy cywir o broffil cydraddoldeb ein gweithlu (ac adrodd arno).	Pob un	Erbyn 31 Mawrth 2026	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Cyllid a Gwasanaethau Corfforaethol
1.4	Cynnal archwiliad manylach o gyflog cyfartal (wedi’i lywio gan arfer da o sefydliadau eraill o faint tebyg i CGA) i nodi gwahaniaethau mewn cyflog allai fod yn gysylltiedig â nodweddion gwarchodedig cyflogeion (ac achosion unrhyw wahaniaethau o’r fath).	Pob un	Erbyn 31 Mawrth 2026	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Cyllid a Gwasanaethau Corfforaethol

Adolygu a gwella ein prosesau recriwtio i sicrhau eu bod yn hyrwyddo amrywiaeth.

Cam	Manylion	Nodwedd warchodedig	Graddfa amser	Arweinydd
1.5	Casglu a dadansoddi data ar gydraddoldeb yn ymwneud â recriwtio staff, gan ei ddefnyddio i helpu datblygu a gwella prosesau recriwtio (yn cynnwys llywio’r gwaith a amlinellir o dan gam 1.6). Dadansoddi tueddiadau recriwtio a cheisio meincnodi data CGA yn erbyn perfformiad sefydliadau tebyg/tueddiadau ehangach mewn recriwtio.	Pob un	Bob blwyddyn ym mis Ebrill ar y flwyddyn hyd at 31 Mawrth	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Cyllid a Gwasanaethau Corfforaethol
1.6	Adolygu prosesau recriwtio ac asesu (yn cynnwys hysbysebion, disgrifiadau swydd, pecynnau ymgeiswyr, cyfweliadau, ac ati). Datblygu a gweithredu strategaeth i ddileu unrhyw rwystrau, sy’n berthnasol i nodweddion gwarchodedig penodol a nodwyd.	Pob un	Erbyn 31 Rhagfyr 2025	Cyfarwyddwr Cyllid a Gwasanaethau Corfforaethol
1.7	Darparu hyfforddiant i holl staff CGA sy’n gysylltiedig â recriwtio i sicrhau bod safonau a phrosesau cyffredin yn cael eu cymhwyso.	Pob un	Yn barhaus	Cyfarwyddwr Cyllid a Gwasanaethau Corfforaethol

Gweithio i wneud ein paneli yn fwy cynrychioliadol o Gymru amrywiol.

Cam	Manylion	Nodwedd warchodedig	Graddfa amser	Arweinydd
1.8	Dadansoddi cyfansoddiad paneli PiY CGA, bwrdd achredu AGA ac aseswyr MAGI i ennill dealltwriaeth well o’r gynrychiolaeth o’u nodweddion gwarchodedig. Bydd y dadansoddiad yn bwydo i mewn i gam 1.9.	Pob un	Bob blwyddyn erbyn 31 Mawrth	Cyfarwyddwr Datblygiad Proffesiynol, Achredu a Pholisi, y Cyfarwyddwr Rheoleiddio, a’r Prif Weithredwr
1.9	Adolygu ein prosesau ar gyfer dewis panelau, a chreu ac ymgorffori camau i hwyluso penodi panelau mwy amrywiol.	Pob un	Erbyn 31 Rhagfyr 2025	Cyfarwyddwr Datblygiad Proffesiynol, Achredu a Pholisi, y Cyfarwyddwr Rheoleiddio, a’r Prif Weithredwr

Gweithio i gefnogi proses benodi Llywodraeth Cymru ar gyfer aelodau newydd y Cyngor.

Cam	Manylion	Nodwedd warchodedig	Graddfa amser	Arweinydd
1.10	Ymchwilio i ffyrdd o gefnogi recriwtio aelodau mwy amrywiol i’r Cyngor (yn cynnwys y potensial ar gyfer cynllun ‘cysgodi’) a rhoi camau priodol ar waith.	Pob un	Erbyn 31 Rhagfyr 2025	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Cyllid a Gwasanaethau Corfforaethol

Ceisio denu, recriwtio a chadw mwy o staff anabl (ac aelodau’r Cyngor/paneli).

Cam	Manylion	Nodwedd warchodedig	Graddfa amser	Arweinydd
1.11	Ymchwilio i’r Cynllun Cyflogwr Hyderus o ran Anabledd a gwneud argymhellion i’r Uwch Dîm Rheoli (UDRh), yn dibynnu ar yr argymhellion a chymeradwyaeth gan yr UDRh, cofrestru â’r cynllun.	Anabledd	Erbyn 31 Mai 2026	Cyfarwyddwr Cyllid a Gwasanaethau Corfforaethol

Amcan 2: Monitro’r bwlch cyflog rhwng y rhywiau a nodi cyfleoedd i’w leihau

Casglu a chyhoeddi gwybodaeth a dadansoddiad yn ymwneud â’n bwlch cyflog rhwng y rhywiau.

Cam	Manylion	Nodwedd warchodedig	Graddfa amser	Arweinydd
2.1	Cyhoeddi gwybodaeth am gyflogau (yn cynnwys manylion am swyddi, mathau o gontractau, a phatrymau gweithio) yn unol â gofynion Deddf Cydraddoldeb 2010.	Rhywedd	Bob blwyddyn hyd at 31 Mawrth	Cyfarwyddwr Cyllid a Gwasanaethau Corfforaethol
2.2	Cynnal dadansoddiad blynyddol o gyflog y rhywiau i nodi unrhyw fwlch cyflog o ran y rhywiau, a’n galluogi i weld ble mae gwahaniaethau mewn cyflog yn digwydd (er enghraifft yn ôl lefel swydd, rhwng cyflogeion amser llawn a rhan-amser, neu ar draws adrannau).[4].	Rhywedd	Bob blwyddyn hyd at 31 Mawrth	Cyfarwyddwr Cyllid a Gwasanaethau Corfforaethol

Amcan 3: Gweithle cynhwysol lle dethlir amrywiaeth

Sicrhau bod staff yn deall ac yn ymwybodol o faterion allweddol yn ymwneud â chydraddoldeb ac amrywiaeth.

Cam	Manylion	Nodwedd warchodedig	Graddfa amser	Arweinydd
3.1	Defnyddio mewnrwyd y staff (Eddie) i gyhoeddi cylchlythyrau cydraddoldeb rheolaidd ar gyfer pob un o’r staff, sy’n rhannu gwybodaeth ac yn darparu cymorth o ran ein cyfrifoldebau o dan y ddyletswydd cydraddoldeb. Monitro ymgysylltiad â’r rhain a gofyn am adborth gan staff i sicrhau ein bod yn cyfathrebu’n effeithiol.	Pob un	Bob chwarter	Cyfarwyddwr Datblygiad Proffesiynol, Achredu a Pholisi
3.2	Cyflwyno rhaglen hyfforddi ddifyr a hygyrch ar faterion cydraddoldeb ar gyfer yr holl gyflogeion. Bydd hyn yn cynnwys o leiaf un sesiwn hyfforddiant gorfodol bob blwyddyn, yn canolbwyntio ar brofiadau ac anghenion grwpiau penodol â gwahanol nodweddion gwarchodedig. Bydd hyfforddiant ychwanegol yn cael ei ddarparu ar sail anghenion penodol a nodwyd o ganlyniad i ymgysylltu â staff.	Pob un	Adolygiad bob blwyddyn – erbyn 31 Mawrth	Cyfarwyddwr Cyllid a Gwasanaethau Corfforaethol, a’r Cyfarwyddwr Datblygiad Proffesiynol, Achredu a Pholisi
3.3	Cyflwyno hyfforddiant Asesiad o’r Effaith ar Gydraddoldeb i staff perthnasol.	Pob un	Adolygu bob blwyddyn erbyn 31 Mawrth	Cyfarwyddwr Cyllid a Gwasanaethau Corfforaethol, a’r Cyfarwyddwr Datblygiad Proffesiynol, Achredu a Pholisi
3.4	Defnyddio’r broses Adolygu Perfformiad a Datblygiad i nodi a chytuno ar anghenion hyfforddiant a datblygiad unigol. Annog cyflogeion i ystyried a thrafod unrhyw ofynion hyfforddiant yn gysylltiedig â chydraddoldeb a allai fod ganddynt, fel rhan o’r broses.	Pob un	Adolygu bob chwe mis	Cyfarwyddwr Cyllid a Gwasanaethau Corfforaethol
3.5	Diweddaru’r ffurflen Adolygu Perfformiad a Datblygiad i sicrhau bod yr adran ‘cynllun dysgu a datblygu’ yn cyfeirio’n eglur at hyfforddiant cydraddoldeb, gan sbarduno cyflogeion i ystyried hyn fel rhan o’r broses (yn unol â cham 3.4).	Pob un	Erbyn 31 Mawrth 2025	Cyfarwyddwr Cyllid a Gwasanaethau Corfforaethol
3.6	Sicrhau bod materion cydraddoldeb yn cael eu cynnwys mewn hyfforddiant blynyddol ar gyfer aelodau’r paneli PiY, aelodau’r Cyngor, aelodau’r bwrdd achredu AGA ac aseswyr MAGI.	Pob un	Bob blwyddyn erbyn 31 Mawrth	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Rheoleiddio

Darparu sianelau sy’n galluogi staff i rannu eu profiadau bywyd o faterion yn gysylltiedig â chydraddoldeb.

Cam	Manylion	Nodwedd warchodedig	Graddfa amser	Arweinydd
3.7	Cynnal adolygiad o fecanweithiau adborth staff, i wneud yn siŵr fod mecanweithiau addas yn eu lle i staff godi pryderon neu faterion a rhannu profiadau (o du fewn neu du allan i’r gweithle) o ran eu hunaniaeth. Llunio adroddiad i’r UDRh yn rhoi manylion am ganfyddiadau, ac amlinellu opsiynau, a rhoi newidiadau ar waith, yn unol â chyfarwyddyd.	Pob un	Erbyn 31 Rhagfyr 2025	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Cyllid a Gwasanaethau Corfforaethol

Dathlu amrywiaeth o fewn y sefydliad.

Cam	Manylion	Nodwedd warchodedig	Graddfa amser	Arweinydd
3.8	Mynd ati i hyrwyddo digwyddiadau a gwyliau diwylliannol a rhai yn seiliedig ar hunaniaeth dros y flwyddyn galendr, gan greu rhaglen ddigwyddiadau i ddathlu’r achlysuron hyn, gan gynnwys arddangosfeydd gwybodaeth yng nghegin y staff (i nodi digwyddiadau fel wythnos Pride) a dathliadau (fel melysion ar gyfer Diwali).	Pob un	Yn barhaus – un digwyddiad bob chwarter	Cyfarwyddwr Datblygiad Proffesiynol, Achredu a Pholisi
3.9	Annog staff i arddangos baneri Pride ar eu desgiau, os ydynt yn dymuno gwneud hynny, i wneud ein hymrwymiad i gynhwysedd yn amlwg.	Cyfeiriadedd rhywiol	Yn barhaus	Cyfarwyddwr Datblygiad Proffesiynol, Achredu a Pholisi

Sicrhau bod ein swyddfeydd yn groesawgar ac yn hygyrch ar gyfer staff ac ymwelwyr, ni waeth a oes ganddynt unrhyw nodweddion gwarchodedig.

Cam	Manylion	Nodwedd warchodedig	Graddfa amser	Arweinydd
3.10	Cynnal adolygiad o swyddfeydd CGA yn Eastgate House i sicrhau bod trefniadau mynediad priodol ar waith, gweithio gyda’r landlordiaid i ddatrys unrhyw faterion. Gallai hyn gynnwys addasiadau i ddrysau, gosod cloch drws fideo i gynorthwyo ymwelwyr â namau ar eu clyw, ac ati.	Anabledd	Erbyn 31 Rhagfyr 2026	Cyfarwyddwr Cyllid a Gwasanaethau Corfforaethol
3.11	Ymchwilio i’r posibilrwydd o ddarparu ystafell weddïo/ffydd o fewn swyddfeydd CGA yn Eastgate House. Trefnu bod ystafell ar gael at y dibenion hyn os yw staff yn galw am gyfleuster o’r fath.	Crefydd neu gredo	Erbyn 31 Rhagfyr 2026	Cyfarwyddwr Cyllid a Gwasanaethau Corfforaethol
3.12	Ymchwilio i’r achos ar gyfer darparu gofod ar gyfer bwydo ar y fron o fewn swyddfeydd CGA yn Eastgate House. Trefnu bod ystafell ar gael at y dibenion hyn os nodir bod galw.	Beichiogrwydd/Mamolaeth	Erbyn 31 Rhagfyr 2026	Cyfarwyddwr Cyllid a Gwasanaethau Corfforaethol
3.13	Trafod y posibilrwydd o roi toiledau niwtral o rhan y rhywiau o fewn swyddfeydd Eastgate House CGA, gyda landlord yr adeilad.	Rhyw ac Ailbennu rhywedd	Erbyn Rhagfyr 2025	Cyfarwyddwr Cyllid a Gwasanaethau Corfforaethol

Datblygu polisïau i atal aflonyddu rhywiol yn y gweithle.

Cam	Manylion	Nodwedd warchodedig	Graddfa amser	Arweinydd
3.14	Adolygu ein polisi Urddas yn y Gwaith bob dwy flynedd i sicrhau ei fod yn gyfoes o ran atal aflonyddu rhywiol, ac ymateb iddo.	Pob un	Erbyn mis Ebrill 2024	Cyfarwyddwr Cyllid a Gwasanaethau Corfforaethol

Creu awyrgylch cynhwysol o fewn y sefydliad trwy hyrwyddo lles staff a mynd i’r afael â stigma iechyd meddwl a gwahaniaethu.

Cam	Manylion	Nodwedd warchodedig	Graddfa amser	Arweinydd
3.15	Gweithredu’r rhaglen les ac ystyried ffyrdd o wella ymgysylltu, gan gynnwys nodi unrhyw rwystrau a allai fod yn effeithio ar ymgysylltu.	Anabledd	Bob blwyddyn erbyn 31 Mawrth	Cyfarwyddwr Cyllid a Gwasanaethau Corfforaethol
3.16	Adolygu ein polisi iechyd meddwl a lles bob dwy flynedd gyda’r nod i feithrin sefydliad agored a chefnogol lle mae cyflogeion yn deall pwysigrwydd lles ac yn teimlo’u bod yn gallu trafod eu hiechyd corfforol a meddyliol.	Anabledd	Erbyn mis Ionawr 2026	Cyfarwyddwr Cyllid a Gwasanaethau Corfforaethol
3.17	Darparu mynediad i staff at y cynllun cymorth i gyflogeion, a chodi ymwybyddiaeth am y cynnig (sy’n cynnwys gwybodaeth, cyngor a’r cyfle i fanteisio ar wasanaethau cwnsela).	Anabledd	Yn barhaus	Cyfarwyddwr Cyllid a Gwasanaethau Corfforaethol
3.18	Cynnig hyfforddiant Swyddog Cymorth Iechyd Meddwl i gyflogeion, gan anelu at sicrhau bod dau aelod o staff yn cael yr hyfforddiant hwn bob blwyddyn galendr.	Anabledd	Adolygu bob blwyddyn erbyn 31 Mawrth	Cyfarwyddwr Cyllid a Gwasanaethau Corfforaethol

Amcan 4: Cyflwyno gwasanaethau hygyrch ar gyfer cofrestreion a rhanddeiliaid

Sicrhau bod ein gwasanaethau, ein digwyddiadau a’n cyhoeddiadau yn hygyrch i bawb.

Cam	Manylion	Nodwedd warchodedig	Graddfa amser	Arweinydd
4.1	Diweddaru gwefan CGA i sicrhau ein bod yn cydymffurfio â safonau AA Canllawiau Hygyrchedd Cynnwys y We (WCAG) 2.2.	Anabledd	Erbyn 24 Hydref 2024	Cyfarwyddwr Cyllid a Gwasanaethau Corfforaethol
4.2	Cadarnhau p’un a allwn ni gyflawni’r lefel uchaf (AAA) o gydymffurfio â safonau WCAG, a gweithredu’r gofynion (os oes modd).	Anabledd	Erbyn 30 Medi 2025	Cyfarwyddwr Cyllid a Gwasanaethau Corfforaethol
4.3	Adolygu ein cyhoeddiadau i wella ac ymestyn eu darllenadwyedd a’u hygyrchedd, a nodi p’un a ddylid darparu unrhyw gyhoeddiadau mewn fformatau eraill (e.e. fformat ‘hawdd ei ddarllen’).	Anabledd	Erbyn 31 Mawrth 2025	Cyfarwyddwr Datblygiad Proffesiynol, Achredu a Pholisi
4.4	Ymchwilio i opsiynau i ddarparu meddalwedd hygyrchedd ychwanegol (er enghraifft ar gyfer defnyddwyr Iaith Arwyddion Prydain) i wella hygyrchedd a chynyddu ymgysylltu â’n gwaith. Gweithredu argymhellion, fel y bo’n briodol.	Anabledd	Erbyn 31 Mawrth 2025	Cyfarwyddwr Datblygiad Proffesiynol, Achredu a Pholisi
4.5	Nodi cyfleoedd yn rhagweithiol i dynnu sylw ystod eang o gynulleidfaoedd at ein gwaith.	Pob un	Yn mynd rhagddo	Cyfarwyddwr Datblygiad Proffesiynol, Achredu a Pholisi

Ymgynghori ac ymgysylltu â chofrestreion a rhanddeiliaid ynglŷn â’u hanghenion/unrhyw rwystrau wrth ryngweithio â CGA, ac adolygu sianelau fel y bo’n briodol.

Cam	Manylion	Nodwedd warchodedig	Graddfa amser	Arweinydd
4.6	Cynnal adolygiad o sut gallwn ni ymgysylltu’n effeithiol â chofrestreion/rhanddeiliaid a sefydliadau sy’n cynrychioli’r rheiny â nodweddion gwarchodedig. Gwneud argymhellion i’w hystyried a gweithredu fel y bo’n briodol.	Pob un	Erbyn 31 Mawrth 2025	Cyfarwyddwr Datblygiad Proffesiynol, Achredu a Pholisi
4.7	Ar sail canfyddiadau cam 4.6, ymgysylltu â rhanddeiliaid i ddeall yn well pa mor hygyrch yw ein gwasanaethau. Defnyddio tystiolaeth o’r broses hon i ddatblygu cynllun i wella hygyrchedd a gweithredu cynllun fel y bo’n briodol.	Pob un	Erbyn 31 Mawrth 2026	Cyfarwyddwr Datblygiad Proffesiynol, Achredu a Pholisi
4.8	Gweithredu newidiadau er mwyn gwella hygyrchedd gwasanaethau CGA a nodwyd o ganlyniad i’r ymarfer ymgynghori a amlinellir o dan gamau 4.5 a 4.6.	Pob un	Erbyn 31 Mawrth 2027	Cyfarwyddwr Datblygiad Proffesiynol, Achredu a Pholisi

Adolygu a chyhoeddi data PiY i fonitro priodoldeb y canllawiau a llywio anghenion hyfforddi.

Cam	Manylion	Nodwedd warchodedig	Graddfa amser	Arweinydd
4.9	Parhau i gasglu data cydraddoldeb trwy’r system rheoli achosion, a chyhoeddi adroddiad cydraddoldeb ac amrywiaeth ar weithgarwch PiY fel rhan o’r Adroddiad Blynyddol PiY.	Pob un	Bob blwyddyn hyd at 31 Mawrth	Cyfarwyddwr Rheoleiddio

Amcan 5: Helpu datblygu gweithlu addysg sy’n cynrychioli poblogaeth amrywiol Cymru

Defnyddio ein data i fonitro ac amlygu materion yn ymwneud ag amrywiaeth y gweithlu addysg cofrestredig.

Cam	Manylion	Nodwedd warchodedig	Graddfa amser	Arweinydd
5.1	Cynnal ymarferion cofnodi data blynyddol sy’n canolbwyntio ar wella cyflawnder y data yr ydym yn ei ddal ar nodweddion gwarchodedig y gweithlu addysg cofrestredig, gyda ffocws penodol ar gasglu data mwy cyflawn ynghylch ethnigrwydd.	Hil	Yn barhaus	Cyfarwyddwr Rheoleiddio
5.2	Datblygu strategaeth i ymgysylltu â chofrestreion a gwella lefelau datgan data ar gydraddoldeb yn well, gyda ffocws penodol ar ethnigrwydd..	Hil	Erbyn 31 Mawrth 2025	Cyfarwyddwr Rheoleiddio, a’r Cyfarwyddwr Datblygiad Proffesiynol, Achredu a Pholisi
5.3	Adolygu’r achos ar gyfer casglu data gan gofrestreion ar nodweddion gwarchodedig ychwanegol, fel cyfeiriadedd rhywiol (nad ydynt wedi’u cofnodi ar y Gofrestr ar hyn o bryd) er mwyn galluogi dealltwriaeth fwy cyflawn o amrywiaeth y gweithlu. Llunio adroddiad i’r UDRh yn amlinellu canfyddiadau ac argymhellion.	Cyfeiriadedd rhywiol	Erbyn 31 Mawrth 2027	Cyfarwyddwr Rheoleiddio, a’r Cyfarwyddwr Datblygiad Proffesiynol, Achredu a Pholisi
5.4	Parhau i amlygu materion cydraddoldeb ac amrywiaeth perthnasol trwy ledaenu ein data a chyhoeddi datganiadau ystadegol, gan gynnwys Ystadegau Blynyddol y Gweithlu Addysg ar gyfer Cymru.	Pob un	Yn barhaus	Cyfarwyddwr Rheoleiddio

Hyrwyddo amrywiaeth o fewn y gweithlu addysg fel rhan o ymgyrch ehangach i hyrwyddo gyrfaoedd o fewn y gweithlu.

Cam	Manylion	Nodwedd warchodedig	Graddfa amser	Arweinydd
5.5	Cynnal digwyddiad ‘briffio polisi’ ar recriwtio a chadw, gan amlygu data o’n cofrestr ynghylch amrywiaeth y gweithlu (gyda ffocws penodol ar amrywiaeth ethnig).	Hil	Erbyn 31 Mawrth 2026	Cyfarwyddwr Rheoleiddio a’r Cyfarwyddwr Datblygiad Proffesiynol, Achredu a Pholisi
5.6	Datblygu a chyflwyno ymgyrchoedd i hyrwyddo gyrfaoedd o fewn y gweithlu addysg yng Nghymru i gynulleidfa amrywiol, gan gynnwys datblygu ymgyrchoedd penodol yn ymwneud â nodweddion gwarchodedig.	Pob un	Yn barhaus	Cyfarwyddwr Datblygiad Proffesiynol, Achredu a Pholisi
5.7	Parhau i ddatblygu ymgyrchoedd penodol i gynyddu amrywiaeth ethnig y gweithlu addysg, gan weithio mewn partneriaeth â chymunedau ledled Cymru (dan arweiniad y tîm Hyrwyddo Gyrfaoedd).	Hil	Yn barhaus	Cyfarwyddwr Datblygiad Proffesiynol, Achredu a Pholisi
5.8	Darparu gwasanaeth cyngor ac eirioli trwy Addysgwyr Cymru i gynorthwyo unigolion o gefndiroedd amrywiol i gael mynediad i’r gweithlu addysg.	Pob un	Yn barhaus	Cyfarwyddwr Datblygiad Proffesiynol, Achredu a Pholisi
5.9	Cefnogi’r partneriaethau AGA i gyflwyno cynlluniau recriwtio (yn cynnwys targedau ynghylch amrywiaeth ethnig).	Ethnigrwydd	Yn barhaus	Cyfarwyddwr Datblygiad Proffesiynol, Achredu a Pholisi

Hyrwyddo ymwybyddiaeth o faterion cydraddoldeb ac amrywiaeth o fewn y gweithlu addysg.

Cam	Manylion	Nodwedd warchodedig	Graddfa amser	Arweinydd
5.10	Defnyddio ein sianelau cyfathrebu i gynyddu ymwybyddiaeth o faterion cydraddoldeb ac amrywiaeth o fewn y gweithlu addysg, gan gynnwys trwy amlygu argaeledd adroddiadau, data ac adnoddau, fel ein Canllaw Arfer Da ar fynd i’r afael â hiliaeth.	Anabledd a Hil	Adolygu bob blwyddyn erbyn 31 Mawrth	Cyfarwyddwr Datblygiad Proffesiynol, Achredu a Pholisi
5.11	Cyhoeddi canllaw arfer da ar gyfer cofrestreion CGA ar destun cefnogi lles ac iechyd meddwl dysgwyr a phobl ifanc.	Anabledd	Erbyn 31 Mawrth 2025	Cyfarwyddwr Datblygiad Proffesiynol, Achredu a Pholisi
5.12	Cynnal gweminar (neu ddigwyddiad tebyg ar-lein) ar destun lles, ar gyfer cofrestreion a rhanddeiliaid CGA (fel yr amlinellir o fewn y rhaglen gwaith polisi tair blynedd).	Anabledd	Erbyn 31 Mawrth 2026	Cyfarwyddwr Datblygiad Proffesiynol, Achredu a Pholisi
5.13	Hyrwyddo ymwybyddiaeth o’r Cod Ymddygiad ac Ymarfer Proffesiynol ar gyfer cofrestreion CGA, sy’n cynnwys gofyniad i ddangos ymrwymiad i gydraddoldeb ac amrywiaeth.	Pob un	Yn mynd rhagddo	Cyfarwyddwr Datblygiad Proffesiynol, Achredu a Pholisi, a’r Cyfarwyddwr Rheoleiddio

[1] Yn cynnwys ein staff, aelodau’r Cyngor a phwyllgorau/paneli.

[2]Yn cynnwys aelodau o’r pwyllgor PiY, bwrdd achredu AGA ac aseswyr Marc Ansawdd Gwaith Ieuenctid (MAGI).

[3]Yn cynnwys aelodau o’r pwyllgor PiY, y bwrdd achredu AGA a’n haseswyr MAGI.

[4]Nid yw’n ofynnol i CGA gyhoeddi dadansoddiad o gyflog y rhywiau, gan fod ein sefydliad yn gymharol fach. Fodd bynnag, mae’n ofynnol mewn deddfwriaeth i ni gael amcan cydraddoldeb ar fynd i’r afael ag unrhyw wahaniaeth cyflog rhwng y rhywiau yr ydym wedi’i nodi.

Yn cyflwyno 'Sgwrsio gyda CGA'- ein podlediad newydd.

Ymunwch â ni wrth i ni gael trafodaethau bywiog, rhannu profiadau, syniadau a safbwyntiau ar dirwedd y gweithlu addysg yng Nghymru sy'n newid drwy'r amser.

Ym mhob pennod, byddwn yn cael cwmni nifer o westeion i dwrio'n ddyfnach i bynciau sy'n bwysig i chi. O arloesi, i ddatblygiad proffesiynol, newidiadau polisi, i ddyfodol addysg, ry'n ni am roi mewnwelediadau pryfoclyd a syniadau ymarferol i'ch helpu yn eich ymarfer o ddydd i ddydd.

Pwy ydym ni

Cyngor

Gwybodaeth gorfforaethol

Polisi ac ymchwil

Cymryd rhan

Cofrestru

Priodoldeb i Ymarfer (PiY)

Offer datblygiad proffesiynol

Sefydlu

Achredu Addysg Gychwynnol Athrawon (AGA)

Marc Ansawdd ar gyfer Gwaith Ieuenctid yng Nghymru

Amser adnewyddu

Dweud eich dweud

Creu eich portffolio personol gyda'r PDP

Newyddion

Cyflwyniad

Ein prosesau a’n gweithdrefnau cydraddoldeb

Asesiadau o’r effaith ar gydraddoldeb

Caffael

Ymgysylltu

Cyflawni ein hamcanion

Amcan 1: Monitro ein harferion cyflogaeth i amlygu rhwystrau rhag recriwtio a dilyniant gyrfaol

Sut byddwn yn cyflawni’r amcan hwn?

Cynnydd yn ystod 2023-24

Amcan 2: Datblygu diwylliant cynhwysol o fewn gweithlu CGA

Sut byddwn yn cyflawni’r amcan hwn?

Cynnydd yn ystod 2023-24

Amcan 3: Sicrhau bod ein gwasanaethau’n bodloni anghenion cofrestreion a rhanddeiliaid amrywiol (gan gynnwys y rhai hynny â nodweddion gwarchodedig) a chynorthwyo ein cofrestreion i weithredu ymarfer proffesiynol teg a chynhwysol

Sut byddwn yn cyflawni’r amcan hwn?

Cynnydd yn ystod 2023-24

Amcan 4: Hybu datblygiad gweithlu addysg amrywiol yng Nghymru

Sut byddwn yn cyflawni’r amcan hwn?

Cynnydd yn ystod 2023-24

Atodiad A – gwybodaeth am gyflogaeth

Nifer y bobl a gyflogir yn ôl nodwedd warchodedig

Oedran

Rhywedd/Rhyw

Ydych chi’n draws?

Cyfeiriadedd rhywiol

Statws perthynas

Crefydd neu gred

Ethnigrwydd

Hunaniaeth genedlaethol

Cyfrifoldebau gofalu

Anabledd – A ydych chi’n ystyried bod gennych anabledd?

Anabledd – Ticiwch yr amhariadau neu’r cyflyrau iechyd hynny sy’n berthnasol i chi

Anabledd – A oes gennych anabledd, fel y’i diffinnir gan Ddeddf Cydraddoldeb 2010? [4]

Data recriwtio

Nifer y ceisiadau a gafwyd yn ôl nodwedd warchodedig (lle y llenwyd ffurflen monitro amrywiaeth)

Rhywedd/Rhyw

Ydych chi’n draws?

Oedran

Cyfeiriadedd rhywiol

Statws perthynas

Crefydd neu gred

Grŵp ethnig [5]

Hunaniaeth genedlaethol [6]

A oes gennych unrhyw gyfrifoldebau gofalu? [7]

Anabledd – A ydych chi’n ystyried bod gennych anabledd?

Anabledd – A oes gennych anabledd, fel y’i diffinnir gan Ddeddf Cydraddoldeb 2010?

Gweithdrefnau Cwynion Cyflogaeth

Gweithdrefnau Disgyblu

Ymadawyr

Gwybodaeth ychwanegol am gyflog yn ôl rhywedd ar 31 Mawrth 2024

1. Ynghylch CGA

Amdanom ni

Ein nodau

Ein swyddogaethau

2. Y gofrestr ymarferwyr addysg

3. Y Cod Ymddygiad ac Ymarfer Proffesiynol

4. Ynghylch Priodoldeb i Ymarfer

5. Atgyfeirio achosion

Atgyfeiriadau gan yr Heddlu

Cyflogwyr/Asiantau

Cwynion

CGA

6. Beth sy’n digwydd pan dderbynnir achos?

7. Crynodeb o waith achos Priodoldeb i Ymarfer

Nodiadau ar y data

7.1 Nifer yr achosion Priodoldeb i Ymarfer a derfynwyd yn ôl grŵp cofrestreion a blwyddyn

Anabledd – A oes gennych anabledd, fel y’i diffinnir gan Ddeddf Cydraddoldeb 2010? ^[4]

Grŵp ethnig ^[5]

Hunaniaeth genedlaethol ^[6]

A oes gennych unrhyw gyfrifoldebau gofalu? ^[7]