Mae Cyngor y Gweithlu Addysg wedi cychwyn ar adolygiad o’r Safonau proffesiynol ar gyfer athrawon addysg bellach ac ymarferwyr seiliedig ar waith.

Mae’r prosiect, a gomisiynwyd gan Lywodraeth Cymru, yn canolbwyntio ar ddatblygu offerynnau ymarferol newydd i helpu ymarferwyr wrth ymgysylltu â’r safonau. Bydd hefyd yn cynnwys adolygiad ysgafn o’r safonau eu hun.

Byddwn yn rhoi golwg ar yr arfer orau mewn AB a dysgu seiliedig ar waith mewn gwledydd eraill fel rhan o’r adolygiad, ac yn ystyried gwersi a ddysgwyd gan sectorau eraill. Yn ogystal, byddwn yn gwrando ar ein cofrestreion, eu cyflogwyr a rhanddeiliaid eraill er mwyn dysgu sut caiff y safonau eu defnyddio ar hyn o bryd a sut y gellid eu gwella.

Rydym eisioes wedi anfon holiaduron at holl athrawon AB ac ymarferwyr dysgu seiliedig ar waith cofrestredig er mwyn ein helpu i ddeall eu hanghenion. Bydd eu llais yn allweddol wrth siapio’r adnoddau newydd a bydd yn hysbysu ein cyngor i Lywodraeth Cymru ar adfywio’r safonau. Byddwn yn cynnal cyfweliadau wyneb yn wyneb a chyfres o grwpiau ffocws yn hwyrach yn y flwyddyn.

Cyhoeddodd Llywodraeth Cymru’r Safonau proffesiynol ar gyfer ymarferwyr AB yn 2007. Yna, caswon nhw eu diweddaru yn 2017 i weinyddu dros 7,000 o ymarferwyr yn y sector AB a dysgu seiliedig ar waith yng Nghymru.

Rydym yn croesawu’r gwahoddiad i arwain ar y gwaith hyn, sy’n gyfle pwysig i ni helpu gwella safonau addysgu ac ansawdd dysgu yng Nghymru.

Dysgwch fwy am yr adolygiad.

Andy Borsden yw’r swyddog datblygu newydd a benodwyd ar gyfer y Marc Ansawdd ar gyfer Gwaith Ieuenctid yng Nghymru.

Bydd yn chwarae rhan hanfodol wrth gwrthuso a siapio dyfodol y wobr gan gydweithio â’r sector gwaith ieuenctid ehangach.

Ac yntau’n gyn Brif Swyddog Ieuenctid ac aseswr arweiniol ar gyfer y Marc Ansawdd, mae Andy’n ymuno â CGA gyda dros 35 mlynedd o brofiad fel gweithiwr ieuenctid.

Mae Andy’n deall pwysigrwydd datblygu a chynnal gwasanaeth o ansawdd uchel gan iddo redeg darpariaeth ieuenctid fel gwirfoddolwr ac wedi arwain timau o weithwyr ieuenctid yn gweithio gyda’r pobl ifanc mwyaf bregus.

Yn gynharach eleni, bu i Lywodraeth Cymru gomisiynu CGA i gyflwyno a datblygu’r Marc Ansawdd ar y cyd â ETS Wales.

Mae adolygiad o’r Marc Ansawdd yn cael ei gynnal ar hyn o bryd i archwilio sut gellid ei gryfhau. Mae’r dyddiad cau ar gyfer cymryd rhan yn yr holiadur ar-lein yn dod i ben ar 30 Mehefin 2020.

Dysgwch fwy am y Marc Ansawdd.

Am unrhyw ymholiadau e-bostiwch This email address is being protected from spambots. You need JavaScript enabled to view it..

Cydnabyddwn bod hwn y gyfnod heriol i’n cofrestreion. Mae llawer ohonynt wedi gofyn am gyngor gennym o ran eu hymarfer. Darllenwch beth sydd gan eich rheoleiddiwr i’w ddweud.

O ganlyniad i COVID-19, mae llawer ohonych wedi cysylltu â ni am arweiniad oherwydd bod gofyn i chi addysgu dysgwyr mewn ffyrdd newydd a heriol gan ddefnyddio nifer o lwyfanau cyfryngau cymdeithasol. Rydych yn poeni am gadw’n ddiogel ar-lein a sicrhau bod ffiniau proffesiynol yn cael eu cynnal.

Rydych hefyd wedi codi’r heriau rydych yn eu hwynebu oherwydd bod arholiadau’r haf wedi cael eu canslo a mae disgwyl i chi ‘gyfrifo’ cyflawniad tebygol eich dysgwyr i fwydo i mewn i graddau ‘teg’. Dydych ddim eisiau gadael eich dysgwyr i lawr ac rydych yn poeni am sut i gael nhw’n ôl ar y trywydd iawn unwaith i chi ddychwelyd i’ch gweithle.

Wrth drafod y materion hyn gyda chi, rydym wedi’ch atgoffa bod Cod Ymddygiad ac Ymarfer Proffesiynol CGA yno i’ch arwain, i helpu gyda dyfarniadau a phenderfyniadau byddech efallai’n eu gwneud. Dylech ei ddefnyddio fel pwynt cyfeirio – meddyliwch am y 5 egwyddor a’r digwyliadau sydd ohonoch. Byddant yn eich helpu i wneud y penderfyniadau cywir pan fyddech yn wynebu’r heriau uchod.

Rydym wedi cyhoeddi nifer o ganllawiau arfer da i’ch helpu ymhellach. Mae dau ohonynt yn canolbwyntio’n benodol ar y cyfryngau cymdeithasol a’r heriau sy’n ymwneud ag arholi ac asesu. Digon o ganllawiau ymarferol i’ch cefnogi.

Os cewch eich hun mewn sefyllfa sy’n peri pryder i chi, ceisiwch gymorth a chefnogaeth cyn gynted â phosibl gan eich rheolwr llinell, undeb llafur, neu o leiaf rhywun rydych yn ymddiried ynddo. Gall yr ymyrraeth honno fod yn werthfawr tu hwnt.

Ac yn olaf – cofiwch ein bod yma ichi. Mae ein holl staff yn gweithio adref ac mae modd cysylltu â nhw’n hawdd trwy e-bost  os oes gennych unrhyw ymholiad neu bryder.

Mae Cyngor y Gweithlu Addysg wedi cyhoeddi ei bumed canllaw arfer da heddiw.  

Ac yntau wedi'i anelu at ymarferwyr cofrestredig yng Nghymru, mae'r canllaw yn canolbwyntio ar yrif nodweddion sy'n cyfrannu at berthnasau gwaith cadarnhaol. Mae'n rhoi cyngor defnyddiol i gofrestreion o ran sut i feithrin y perthnasau hynny'n llwyddiannus trwy: 

• barch dwy ffordd
• cyfathrebu agored
• empathi
• ymddiriedaeth
• sgiliau rhynbersonol
• creu rapport gyda staff neu aelodau’r tîm

Mae holl ganllawiau arfer da CGA yn unol â'r egwyddorion sydd wedi'u hamlinellu yn ei God Ymddygiad ac Ymarfer Proffesiynol. 

Lawrlwythwch y canllaw arfer da i berthnasau gwaith cadarnhaol