Dewiswch eich iaith
O 1 Ionawr, gall unrhyw athro ysgol a gymhwysodd y tu allan i Gymru ond sydd eisiau gweithio yng Nghymru ymgeisio i gael ei gymwysterau wedi'u cydnabod gan CGA. Mae hyn oherwydd newidiadau deddfwriaethol a gyflwynwyd yn dilyn diwedd cyfnod trawsnewid Brexit.
Mae'n rhaid i holl athrawon ysgol sy'n gweithio, neu sydd am weithio yng Nghymru gael eu cydnabod fel athrawon ysgol a bod wedi'u cofrestru gyda ni.
Rydym newydd gyhoeddi canllaw arfer da sy'n canolbwyntio ar fod yn agored ac yn onest fel gweithiwr proffesiynol.
Mae'r canllaw yn ychwanegu at ein cyfres o ganllawiau arfer da sy'n ategu Cod Ymddygiad ac Ymarfer Proffesiynol CGA.
Fe gyhoeddon ni ein hadroddiad monitro Safonau'r Gymraeg ar gyfer 2019-20 yn ddiweddar.
Mae'r adroddiad yn amlinellu ein cydymffurfiad â'r safonau, sy'n cwmpasu darparu gwasanaethau, gweithredu, llunio polisi a chadw cofnodion.
Yn yr adroddiad, rydym yn adrodd ar y ffordd rydym ni wedi hyrwyddo'r Gymraeg ymhlith ein cyflogeion ac wrth ymgysylltu â chofrestreion a rhanddeiliaid allanol eraill fel ei gilydd.
Fel sefydliad rydym ni wedi ymrwymo i weithredu a chynnal gwasanaeth dwyieithog llawn i bawb sy'n cysylltu â ni. Rydym ni'n annog defnyddwyr i ddefnyddio'r gwasanaeth hwn trwy:
O dan amgylchiadau arferol, rydym hefyd yn darparu gwasanaeth ffôn dwyieithog. Rydym ni'n gobethio ail-ddechrau'r gwasanaeth hwn dros yr wythnosau nesaf.
Os oes genych unrhyw sylwadau neu awgrymiadau ynghylch ein darpariaeth ddwyieithog a'n dull gweithredu o ran y Gymraeg, mae croeso i chi
Mae’n bleser gennym ni gyhoeddi diweddariadau cyffrous i’r Pasbort Dysgu Proffesiynol (PDP), a gynlluniwyd i gefnogi ymarferwyr addysg yng Nghymru yn well i ddefnyddio eu safonau proffesiynol.
Rydym wedi datblygu offer rhyngweithiol newydd i’r PDP sy’n galluogi ymarferwyr i hunanasesu eu cynnydd yn unol â’u safonau proffesiynol. Byddant hefyd yn cael cipolwg bras ar eu cynnydd yn unol â’r safonau a fydd yn eu helpu i nodi eu meysydd cryfder a’u datblygiad â’u safonau proffesiynol.
Mae’r PDP yn rhoi lle i ymarferwyr gofnodi a myfyrio ar eu harfer a’u dysgu yng nghyd-destun y safonau proffesiynol canlynol:
I gael mwy o wybodaeth am yr offer newydd, darllenwch ein blog.
Heb ddechrau defnyddio'ch PDP eto? Bydd ein canllaw byr yn eich helpu i osod eich cyfrif.
Fel rheoleiddiwr, un o'n swyddogaethau craidd yw ymchwilio a gwrando ar honiadau a allai fwrw amheuaeth dros briodoldeb cofrestrai i ymarfer.
Mae ein hail Adroddiad Blynyddol Priodoldeb i Ymarfer yn nodi sut rydym wedi ymgymryd â'r gwaith hwn i ddiogelu buddiannau dysgwyr, rhieni a'r cyhoedd.
Yn 2015, aildrefnwyd CyngACC yn sgil deddfwriaeth i greu Cyngor y Gweithlu Addysg (CGA) ac ymestynnwyd y Gofrestr Ymarferwyr Addysg i gynnwys nid yn unig athrawon ysgol, ond hefyd athrawon addysg bellach (2015), staff cymorth mewn ysgolion a cholegau (2016), ymarferwyr dysgu seiliedig ar waith, gweithwyr ieuenctid a gweithwyr cymorth ieuenctid (2017). Yn ôl y disgwyl, ers cwblhau cofrestru pob un o'r saith grŵp yn 2017, rydym wedi gweld cynnydd pob blwyddyn yn nifer yr achosion a derfynir.
Terfynwyd 85% o achosion o fewn 8 mis ac fe'u terfynwyd, ar gyfartaledd, o fewn 4.7 mis.
Er mai menywod yn bennaf sydd yn y gweithlu addysg yng Nghymru (79%), mae ein hadroddiad yn dangos bod dosbarthiad y rhywiau yn ein gwaith achosion eleni bron yn gyfartal (50.5% dynion a 49.5% menywod), a phobl 40 i 49 oed oedd yn rhoi cyfrif am y categori oedran mwyaf cyffredin.
Mae amrywiad yn nifer y cyfeiriadau oddi wrth bob grŵp / sector o gofrestreion, gyda Chyngor y Gweithlu Addysg yn cael cyfran fwy o gyfeiriadau yn 2019/20 gan sectorau Addysg Bellach ac Ymarferwyr Dysgu Seiliedig ar Waith o gymharu â sector yr ysgolion.
Caiff y rhan fwyaf o atgyfeiriadau eu gwneud gan gyflogwyr blwyddyn ar ôl blwyddyn. Fodd bynnag, mae'r rhaniad canrannol wedi newid eleni yn dilyn cynnydd o 10% yn yr atgyfeiriadau gan yr Heddlu.
Darllenwch ein Hadroddiad Priodoldeb i Ymarfer ar gyfer 2019-20