Mae Cyngor y Gweithlu Addysg (CGA) wedi ymrwymo i wneud y wefan yn hygyrch, yn unol â Rheoliadau Hygyrchedd Cyrff y Sector Cyhoeddus (Gwefannau ac Apiau Symudol) (Rhif 2) 2018.

Mae'r datganiad hygyrchedd yn berthnasol i wefan CGA www.cga.cymru.

Defnyddio'r wefan

Mae'r wefan yn cael ei rhedeg gan CGA. Ry'n ni am i gynifer o bobl â phosibl allu defnyddio'r wefan. Er enghraifft, mae hyn yn golygu y dylech allu:

• newid lliwiau, lefel contrast, a ffontiau
• chwyddo hyd at 300% heb i'r testun ddiflannu oddi ar y dudalen
• llywio rhan fwyaf y wefan gan ddefnyddio'r bysellfwrdd yn unig
• llywio rhan fwyaf y wefan gan ddefnyddio meddalwedd adnabod llais
• defnyddio rhan fwyaf y wefan gan ddefnyddio teclyn darllen y sgrin

Rydym wedi ychwanegu bar offer ReachDeck i'r wefan, sy'n gallu cael eu hagor drwy ddefnyddio'r eicon person du ar gefndir glas ar frig y dudalen.

Bydd bar offer ReachDeck yn eich helpu i ddarllen a chyfieithu cynnwys y wefan. Mae'r swyddogaethau yn cynnwys:

• testun i llafar: dewiswch unrhyw destun i'w glywed yn cael ei ddarllen
• cyfieithu: cyfieithu cynnwys i dros 100 o ieithoedd
• chwyddo testun: gwneud testun yn fawr a'i glywed yn uchel
• Creu MP3: trosi testun yn ffeil sain MP3
• masg sgrin: lleihau llacharedd gyda masg â thint iddo
• symleiddio tudalen: tynnu'r pethau ychwanegol oddi ar y sgrin, dangos y prif destun yn unig
• geiriadur lluniau: dangos lluniau sy'n berthnasol i'r testun ar y dudalen

Os oes gyda chi anabledd mae gan AbilityNet gyngor ar wneud eich dyfais yn haws ei ddefnyddio.

Gwneud cais am fformat gwahanol

Os oes angen gwybodaeth ar y wefan hon arnoch mewn fformat gwahanol, fel tesun plaen, Iaith Arwyddion Prydain, print bras, hawdd ei ddarllen, neu recordiad sain, anfonwch e-bost at This email address is being protected from spambots. You need JavaScript enabled to view it., neu ffoniwch 029 2046 0099.

Bydd angen i chi ddweud wrthym:

• cyfeiriad gwe (URL) y wybodaeth sydd ei hangen arnoch
• y fformat yr hoffech y wybodaeth ynddo
• pa dechnolegau cynorthwyol yr ydych yn eu defnyddio

Byddwn yn adolygu eich cais ac yn dod yn ôl atoch o fewn 15 diwrnod gwaith.

Statws cydymffurfiaeth

Mae'r wefan hon yn rhannol cydymffurfio gyda Chanllawiau Hygyrchedd Cynnwys y We fersiwn 2.2 safon AA, oherwydd yr achosion o ddiffyg cydymffurfio isod.

Cynnwys anhygyrch

(a) anghydymffurfiaeth gyda'r rheoliadau hygyrchedd

Mae'r materion canlynol wedi eu datrys lle bo modd, fodd bynnag, mae effeithir ar nifer cyfyngedig o dudalennau o hyd. Rydym yn edrych am ddatrysiadau i'r materion hyn lle gallwn.

• Mae rhai aria sydd wedi labeli gan briodolyn, yn cyfeirio at elfen blanc. Mae hyn yn methu WCAG 2.2 A 4.1.2 Adran 508 (2017) A 4.1.2
• Mae rhai botymau radio gyda labeli generig iawn angen eu cadw mewn maes wedi ei osod gydag allwedd yn esbonio’r label. Mae hyn yn methu WCAG 2.2 AA 2.4.6 Adran 508 (2017) AA 2.4.6
• Does dim priodolyn teitl gan rhai elfennau iframe a ffrâm. Mae hyn yn methu WCAG 2.2 A 4.1.2 Adran 508 (2017) A 4.1.2
• Nid oes elfen allwedd ar gyfer pob elfen gosod mewn maes. Mae hyn yn methu WCAG 2.2 A H71 Adran 508 (2017) A H71

PDFs a dogfennau eraill

Nid yw pob un o'r PDFs ar ein gwefan yn hygyrch achos:

• does dim tagiau arnynt y gall darllenwyr sgrin gael gwybodaeth ohonynt
• does dim llyfrnodau arnynt i helpu darllenwyr sgrin lywio drwy'r wybodaeth
• mae'r diffiniad iaith ar goll i alluogi darllenwyr sgrin ddewis yr iaith gywir wrth ddarllen allan yn uchel
• does dim teitl gyda nhw i ganiatáu i ddarllenwyr sgrin adnabod topic y ddogfen

Rydym yn gweithio ar hyn o bryd i ddisodli'r PDFs gyda thudalennau HTML lle bo modd. Bydd unrhyw PDFs nad ydynt yn gallu eu troi yn dudalennau HTML yn cael eu diweddaru i fodloni safonau hygyrchedd. Fodd bynnag, nid yw'r rheoliadau hygyrchedd yn gofyn ein bod yn trwsio PDFs neu ddogfennau eraill a gyhoeddwyd cyn 23 Medi 2018, os nad ydynt yn hanfodol i ddarparu ein gwasanaethau.

Os oes angen i chi gael gwybodaeth sydd yn un o'r mathau hyn o ddogfennau, cysylltwch â ni a gofynnwch am fformat gwahanol.

Paratoi'r datganiad hygyrchedd yma

Paratowyd y datganiad yma ar 27 Ebrill 2023. Fe'i diweddarwyd ar 30 Medi 2024.

Profwyd y wefan hon ddiwethaf ar 23 Medi 2024. Gwnaed y prawf yn fewnol.

Fe wnaethom ddefnyddio Sort Site i sganio ein tudalennau. Fe wnaeth y sgan gynnwys cyfuniad o dempledi craidd, templedi a ddefnyddir yn aml a thempledi cymhleth.

Fe wnaethom brofi ein platfform gwefan sydd yn https://www.cga.cymru.

Yn Hydref 2023, fe wnaeth Gwasanaeth Digidol Llywodraeth y DU gynnal archwiliad o sampl cynrychioladol o'n tudalennau, lle nodwyd nifer o broblemau hygyrchedd cyffredin, a'u trwsio. Mae'r rheiny sydd heb eu trwsio eto wedi eu rhestri yn yr adran 'diffyg cydymffurfio' uchod.

Adborth a manylion cyswllt

Rydym o hyd yn chwilio am ffyrdd o wella hygyrchedd y wefan hon. Os byddwch yn dod ar draws unrhyw broblemau nad ydynt wedi eu rhestri ar y dudalen hon, neu os ydych yn credu nad ydynt yn bodloni rheoliadau hygyrchedd, e-bostiwch This email address is being protected from spambots. You need JavaScript enabled to view it..

Gweithdrefnau gorfodi

Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau ac Apiau Symudol (Rhif 2) 2018 (y 'rheoliadau hygyrchedd').  Os ydych chi'n anhapus gyda'r ffordd y byddwn yn ymateb i'ch ymholiad, cysylltwch â Gwasanaeth Cynghori a Chefnogaeth Cydraddoldeb (EASS).

Sefydlodd Mesur y Gymraeg (Cymru) 2011 fframwaith cyfreithiol i osod dyletswydd statudol ar gyrff cyhoeddus yng Nghymru i gydymffurfio â safonau newydd y Gymraeg. 

Mae’r safonau hyn yn gosod disgwyliadau clir arnom i ddarparu gwasanaethau yn Gymraeg i’n cofrestreion, ein rhanddeiliaid a’r cyhoedd, a hyrwyddo’r defnydd ar y Gymraeg trwy ein holl wasanaethau.

Mae’n ofynnol i ni gydymffurfio â 148 o safonau sy’n cwmpasu cyflenwi gwasanaethau, materion gweithredol, llunio polisïau a chadw cofnodion.

Darllenwch Safonau’r Gymraeg y mae’n ofynnol i ni gydymffurfio â nhw .

Sut rydym ni’n cydymffurfio â’r safonau

Sut rydym yn hyrwyddo ein gwasanaethau Cymraeg

Rydym yn sefydliad cwbl ddwyieithog ac rydym yn annog ein cofrestreion a’n rhanddeiliaid eraill i ddefnyddio’r Gymraeg wrth ymwneud â ni, naill ai ar lafar neu yn ysgrifenedig. Mae sawl ffordd rydym yn gwneud hyn:

• rydym yn cymryd rhan yn Niwrnod Hawliau’r Gymraeg Comisiynydd y Gymraeg bob blwyddyn, gan hyrwyddo’n gwasanaethau Cymraeg trwy’r cyfryngau cymdeithasol
• mae ein holl sianeli cyfryngau cymdeithasol yn cael eu gweithredu’n ddwyieithog
• mae tudalen lanio’n gwefan yn rhoi dewis o ieithoedd i’r defnyddiwr bob tro y byddant yn mynd at ein gwefan
• mae ein gwefan ar gael yn y Gymraeg a’r Saesneg ac mae botwm toglo Cymraeg / Saesneg yn y gornel dde ar frig holl dudalennau ein gwefan, sy’n caniatáu i’r defnyddiwr newid iaith yn hawdd
• mae pob swydd wag yn cael ei hysbysebu’n Gymraeg ac mae ymgeiswyr yn gallu gwneud cais yn Gymraeg
• mae ein gwasanaeth ateb awtomataidd yn darparu dewis iaith i bob galwr
• rydym yn arddangos posteri “Iaith Gwaith” yn ein derbynfa
• caiff pob aelod staff Cymraeg ei iaith fathodyn neu laniard “Iaith Gwaith” i’w wisgo

Rydym hefyd yn annog staff i ddefnyddio’r Gymraeg yn fewnol:

• rydym yn cyhoeddi e-gylchlythyr ‘Cymraeg ar waith’ chwarterol i’r holl staff i hyrwyddo’r defnydd ar y Gymraeg ar draws y sefydliad, ac i helpu sicrhau ein bod yn gweithredu Safonau’r Gymraeg yn gyson
• mae adran bwrpasol yng nghanllaw arddull CGA ar ddefnyddio’r Gymraeg yn gywir, gan gynnwys enwau lleoedd, sillafu a geirfa gywir, ac ymadroddion i’w hosgoi
• rydym wedi gosod pecyn meddalwedd Cysgliad ar gyfrifiaduron gweithwyr Cymraeg eu hiaith a rhaglen 'To Bach' ar bob cyfrifiadur
• mae holl bolisïau, gweithdrefnau ac arweiniad staff ar gael i staff yn Gymraeg yn llyfrgell y staff
• rydym yn llwyr gefnogi hyfforddiant Cymraeg perthnasol i bob gweithiwr

Adroddiad monitro blynyddol

Bob blwyddyn, rydym yn llunio adroddiad monitro blynyddol sy’n darparu gwybodaeth am ein cydymffurfiaeth â’r safonau, ac yn amlinellu sut y gwnaethom weithredu’r safonau.

Darllenwch ein hadroddiad monitro safonau’r Gymraeg ar gyfer 2022-23.

Gwneud cwyn

Rydym yn falch o fod yn sefydliad cwbl ddwyieithog sy’n hyrwyddo ac yn annog yr iaith Gymraeg, y tu hwnt i’n dyletswydd ddeddfwriaethol i gydymffurfio. Croesawn unrhyw sylwadau neu awgrymiadau ynglŷn â’n darpariaeth ddwyieithog, a’n hymagwedd at yr iaith Gymraeg. This email address is being protected from spambots. You need JavaScript enabled to view it. i roi eich adborth i ni.

Os na fyddwn yn darparu gwasanaeth Cymraeg, neu os ydych yn anfodlon ar safon y gwasanaeth Cymraeg a ddarparwn, gallwch gwyno i’r Rheolwr Gwasanaethau Corfforaethol trwy anfon neges e-bost at This email address is being protected from spambots. You need JavaScript enabled to view it. neu ffonio 029 2046 0099.

Fel yr amlinellir yn ein Polisi Safonau Gwasanaeth, ceisiwn gydnabod derbyn y gŵyn gychwynnol o fewn pum niwrnod gwaith a rhoi ymateb llawn o fewn 20 niwrnod gwaith. Fodd bynnag, os disgwylir y bydd yn cymryd mwy o amser i ddatrys y mater, byddwn yn anfon ymateb dros dro.

Bydd yr holl gwynion yn cael eu cofnodi at ddibenion monitro ac adrodd. Cyflwynir adroddiad cryno i’r Uwch Dîm Rheoli bob mis sy’n cynnwys unrhyw gwynion neu bryderon yn ymwneud â’r gwasanaeth Cymraeg a ddarparwn.

Byddwn yn adrodd ar nifer y cwynion a dderbynnir bob blwyddyn yn ein hadroddiad monitro safonau’r Gymraeg, sy’n cael ei gyhoeddi ar ein gwefan a’i fonitro gan Gomisiynydd y Gymraeg.

Rydym yn sicrhau bod ein cyflogeion yn cael hyfforddiant priodol i’w helpu i drin cwynion yn effeithiol. Rydym wedi ymrwymo i ddarparu hyfforddiant penodol ar y Gymraeg er mwyn sicrhau bod unrhyw bryderon a godir mewn cwyn yn derbyn sylw ac nad ydynt yn cael eu hailadrodd.

Os oes gennych gŵyn, fe’ch anogwn i gysylltu â ni yn y lle cyntaf. Os nad ydych yn fodlon ar y ffordd rydym wedi delio â’ch pryder, neu os credwch nad ydym wedi cymryd camau priodol i ddatrys y sefyllfa, dylech gysylltu â Chomisiynydd y Gymraeg i wneud cwyn.

Gallwch gysylltu â ni yn Gymraeg a Saesneg ar unrhyw bryd drwy anfon e-bost atom. Cyfeiriwch eich e-bost at y tîm mwyaf perthnasol, neu defnyddiwch y cyfeiriad cyffredinol isod.

Gallwch hefyd ein ffonio yn ystod oriau swyddfa. Byddwch yn gallu siarad gyda ni'n Gymraeg neu'n Saesneg.

Ein swyddfa

Cyngor y Gweithlu Addysg
Llawr 9, Eastgate House
35-43 Heol Casnewydd
Caerdydd
CF24 0AB

Ffôn 029 2046 0099

Oriau agor y switsfwrdd

Dydd Llun i ddydd Iau 09:00 hyd 17:00
Dydd Gwener 09:00 hyd 16:00

Cyfeiriadau e-bost

Cyffredinol This email address is being protected from spambots. You need JavaScript enabled to view it.
Y cyfryngau - This email address is being protected from spambots. You need JavaScript enabled to view it.
Cofrestru - This email address is being protected from spambots. You need JavaScript enabled to view it.
Datblygiad proffesiynol a chyllid - This email address is being protected from spambots. You need JavaScript enabled to view it.
Priodoldeb i ymarfer - This email address is being protected from spambots. You need JavaScript enabled to view it.
Achredu - This email address is being protected from spambots. You need JavaScript enabled to view it.
Addysgwyr Cymru – This email address is being protected from spambots. You need JavaScript enabled to view it.
Data’r gweithlu – This email address is being protected from spambots. You need JavaScript enabled to view it.
Ymchwil a pholisi – This email address is being protected from spambots. You need JavaScript enabled to view it.

Ymgynghoriad ar Gynllun Strategol drafft Cyngor y Gweithlu Addysg 2025-28

Ymgynghoriad ar y Cod Ymddygiad ac Ymarfer Proffesiynol diwygiedig 2025